جناح کنونشن سنٹر اسلام آباد میں پاک چائنا معدنی تعاون فورم کا شاندار انعقاد
اشاعت کی تاریخ: 29th, January 2026 GMT
فورم کا انعقاد پاکستان میں قائم چائنا چیمبر آف کامرس کے زیر اہتمام کیا گیا جس کا مقصد باہمی صلاحیتوں کو بروئےکار لاتے ہوئے معدنی شعبہ میں تعاون کو مزید بڑھانا ہے۔
فورم میں 71 چینی کمپنیوں اور 133 پاکستانی کمپنیوں کے 850 سے زائد افراد شریک ہوئے۔ فورم کے مہمان خصوصی وفاقی وزیر برائے منصوبہ بندی ، ڈویلپمنٹ اور خصوصی انیشی ایٹو احسن اقبال نے پاک چین سفارتی تعلقات کو سراہا۔
فورم میں شریک چین کے سفیر جیانگ ژائڈانگ نے پاکستان کے معدنی شعبہ میں چین کی گہری دلچسپی کا اظہار کیا۔
چائنا چیمبر آف کامرس، پاکستان کے چیئرمین وانگ ہوئی ہوا نے کہا کہ معدنیات میں تعاون نئے ستون کے طور پر ابھر رہا ہے۔ چائنا چیمبر آف کامرس ، پاکستان دونوں ممالک کے درمیان طویل المدتی اور باہمی مفادات پر مبنی شراکت داری کی سہولت کاری کیلئے پرعزم ہے۔
وفاقی وزیر علی پرویز ملک نے کہا کہ اہم معدینات کی بڑھتی ہوئی عالمی مانگ کے نتیجہ میں پاکستان عالمی معیار کے مطابق پائیدار کان کنی کیلئے پرعزم ہے۔ ایس آئی ایف سی معدنی شعبہ کی ترقی کیلئے نمایاں سہولت کاری فراہم کر رہی ہے۔
انہوں نے مزید کہا کہ معدنیات اور کان کنی کا شعبہ ایس آئی ایف سی کے ترجیحی شعبوں میں شامل ہے۔
.
ذریعہ
ذریعہ: Express News
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے