ملاقات کی پیشکش نہیں ہوئی، بانی کو ہسپتال کیوں لایا گیا بتایا نہیں جا رہا: بیرسٹر گوہر
اشاعت کی تاریخ: 29th, January 2026 GMT
لاہور (نوائے وقت رپورٹ) چیئرمین پی ٹی آئی بیرسٹرگوہر نے کہا کہ بانی پی ٹی آئی عمران خان سے ہماری آخری ملاقات 20 دسمبر کو ہوئی تھی اس کے بعد آج تک ہمیں ملاقات کرنے کے لیے نہیں کہا گیا۔ انہوں نے ایکس پر ایک بیان میں عمران خان سے ملاقات کی پیشکش سے متعلق چلنے والی خبروں کی تردید کر دی۔ اسلام آباد میں پریس کانفرنس کرتے ہوئے چیئرمین پی ٹی آئی نے کہا ہم نے پٹیشن بھی دائر کی لیکن ملاقات کی اجازت نہ مل سکی، مطالبہ کرتے ہیں کہ آج نہیں تو کل ملاقات کروائی جائے۔ انہوں نے کہا ایک خبر آئی ہے کہ بانی پی ٹی آئی عمران خان کو ہسپتال لایا گیا اور پھر جیل لے گئے۔ پارٹی اور فیملی میں شدید تشویش پائی جارہی ہے، یہ نہیں بتایا جا رہا کہ کس بیماری کی وجہ سے لایا گیا، اس کی ہم شدید مذمت کرتے ہیں۔ بیرسٹر گوہر نے کہا واضح کرنا چاہتا ہوں کہ میں ہر منگل کو اڈیالہ جیل جاتا ہوں، اڈیالا اس وقت تک موجود رہتا ہوں جب تک پولیس مجھے آگے جانے سے نہ روک دے، میں ملاقات کا وقت ختم ہونے پر واپس آجاتا ہوں، میں نے گزشتہ روز بھی یہی طریقہ اختیارکیا۔ سوشل میڈیا ایکٹوسٹس، ویلاگرز، یوٹیوبرز اور مین سٹریم میڈیا سے گزارش ہے کہ بانی سے متعلق ملاقاتوں کے بارے میں کوئی بھی خبر سیکرٹری اطلاعات سے تصدیق کے بعد ہی نشر یا شائع کی جائے، مجھے نہ حکومت اور نہ جیل حکام کی طرف سے بانی سے ملاقات کی پیشکش کی گئی، اس لیے کسی کے ساتھ جانے یا نہ جانے کا سوال ہی پیدا نہیں ہوتا۔
.
ذریعہ
ذریعہ: Nawaiwaqt
کلیدی لفظ: ملاقات کی پی ٹی آئی نے کہا
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار