بھاٹی گیٹ سانحہ، ماں بیٹی کی ہلاکت پر 3 ذمہ داران نامزد، سی سی ٹی وی فوٹیج سامنے آ گئی
اشاعت کی تاریخ: 29th, January 2026 GMT
لاہور کے بھاٹی گیٹ کے علاقے میں ماں اور بیٹی کے سیوریج لائن میں گر کر جاں بحق ہونے کے افسوسناک واقعے پر پولیس نے قانونی کارروائی شروع کر دی ہے۔ پولیس نے متوفیہ کے والد ساجد حسین کے بیان پر 3 نامزد ملزمان کے خلاف مقدمہ درج کرلیا ہے۔
مزید پڑھیں: وفاقی دارالحکومت اسلام آباد سمیت ملک کے بیشتر علاقوں میں بارش کا سلسلہ جاری، متعدد ہلاکتوں کی اطلاعات
پولیس کے مطابق مقدمہ تعزیراتِ پاکستان کی دفعہ 322 کے تحت درج کیا گیا ہے، جس میں پراجیکٹ مینجر اصغر سندھو، سیفٹی انچارج دانیال اور سائٹ انچارج احمد نواز کو نامزد کیا گیا ہے۔
بھاٹی گیٹ مین ہول میں ماں بیٹی کے گرنے کا معاملہ
خاتون سے گرنے سے قبل سی سی ٹی وی فوٹیج سامنے آ گئی
خاتون بچی کے ہمہراہ داتا دربار سے نکل رہی ہے@KulAalam @HussainAhmedCh8 @awaisReporter #Lahore pic.
— Media Talk (@mediatalk922) January 29, 2026
مقدمے کے متن کے مطابق مدعی نے بیان دیا کہ اس کے داماد نے فون کرکے اطلاع دی کہ سعدیہ اور اس کی کمسن بیٹی سیوریج لائن میں گر گئی ہیں۔ مدعی کا الزام ہے کہ ملزمان نے مین ہول کو کھلا چھوڑ کر شدید غفلت اور لاپرواہی کا مظاہرہ کیا، جو قیمتی انسانی جانوں کے ضیاع کا سبب بنا۔
مزید پڑھیں: لاہور مین ہول حادثہ، عظمیٰ بخاری کی فیک نیوز بے نقاب، فوج اور پی ٹی آئی میں تمام راستے بند
دوسری جانب واقعے سے قبل کی سی سی ٹی وی فوٹیج بھی منظرِ عام پر آ گئی ہے، جس میں خاتون اپنی بچی کے ہمراہ داتا دربار سے نکلتی ہوئی دکھائی دے رہی ہے۔ فوٹیج سامنے آنے کے بعد واقعے کی سنگینی مزید واضح ہو گئی ہے، جبکہ شہریوں نے ذمہ داروں کے خلاف سخت کارروائی کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھاٹی گیٹ سانحہ، ماں بیٹی کی ہلاکت
ذریعہ
ذریعہ: WE News
کلیدی لفظ: بھاٹی گیٹ سانحہ ماں بیٹی کی ہلاکت بھاٹی گیٹ
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار