حزب اللہ کے بعد النجبا تحریک کا ایران کی مدد کے لیے پورے عراق میں رضاکار بھرتی کرنیکا اعلان
اشاعت کی تاریخ: 29th, January 2026 GMT
خبر رساں ادارے تسنیم کے بین الاقوامی گروپ کے مطابق عراقی النجبا تحریک کی ایگزیکٹو کونسل کے سربراہ ناظم السعیدی نے ملک کے تمام صوبوں میں رضاکاروں کے لیے ایک کال شروع کرنے کا اعلان کیا ہے کہ کوئی بھی مفاد یا پیشکش جو واشنگٹن کے ساتھ جڑی ہوئی ہے، بار بار دھوکہ دینے کے سوا کچھ نہیں ہے۔ اسلام ٹائمز۔ اسلامی جمہوریہ ایران کے ہمسایہ ملک عراق کی النجبا تحریک نے ایران کی مدد کے لیے رضاکاروں کی رجسٹریشن شروع کرنے کا اعلان کیا ہے۔ عراق میں حزب اللہ کے بعد النجبا تحریک بھی ایران کی مدد کے لیے پورے عراق میں رضاکار بھرتی کے مراکز کھول رہی ہے۔ خبر رساں ادارے تسنیم کے بین الاقوامی گروپ کے مطابق عراقی النجبا تحریک کی ایگزیکٹو کونسل کے سربراہ ناظم السعیدی نے ملک کے تمام صوبوں میں رضاکاروں کے لیے ایک کال شروع کرنے کا اعلان کیا۔ انہوں نے کہا ہے کہ کوئی بھی مفاد یا پیشکش جو واشنگٹن کے ساتھ جڑی ہوئی ہے، بار بار دھوکہ دینے کے سوا کچھ نہیں ہے، یہ عمرو بن عیار جیسی چال ہے۔
النجبا تحریک کی ایگزیکٹو کونسل کے سربراہ نے ایک بیان میں مزید کہا کہ آج کے دشمن نے عراقیوں کو ایک خطرناک مخمصے میں ڈال دیا ہے، یا تو ہتھیار ڈال دیں، جس کے نتیجے میں ملک کی تقسیم، عراقی قومی فیصلہ سازی کی کمزوری اور انحطاط، اور ملک کو زبردستی صہیونی منصوبے کے تحت لایا جائے گا، یا پھر اپنے ملک کے مستقبل کے آپشن پر ڈٹے رہیں گے۔ بیان میں کہا گیا ہے کوئی بھی مفاد جو امریکی حکومت سے ہم آہنگ ہو وہ محض عمرو ابن العاص کی طرح کا مکروہ فریب ہے، تاریخ گواہ ہے کہ امریکی مینڈیٹ کبھی بھی ملکوں کی خوشحالی یا ترقی کا منصوبہ نہیں تھا، بلکہ قوموں کو غلام بنانے، ان کی دولت لوٹنے اور انہیں ان کی مرضی سے محروم کرنے کا ایک منظم منصوبہ تھا۔
انہوں نے کہا کہ یہ شیعہ اکائی کا اتحاد مداخلت کے خلاف ضروری ہے، کیونکہ دشمن اور اس کے پیروکار عراق کو اس کے تمام جہتوں میں نگلنے اور اس کی شناخت، خود مختاری اور قومی فیصلے کو بغیر کسی ہچکچاہٹ کے نشانہ بنانا چاہتے ہیں۔ بیان میں اس بات پر زور دیا گیا ہے کہ ہمارے بھائی مجاہدین، کتائب حزب اللہ کے سکریٹری جنرل کی طرف سے مدد کے لیے پکارے جانے کے جواب میں اور اللہ تعالیٰ کے فرمان کے مطابق (درحقیقت، اللہ ان لوگوں سے محبت کرتا ہے جو اس کی راہ میں صف آرا ہیں اور ایک مضبوط دیوار کی طرح متحد ہو کر لڑتے ہیں)، ہم عراق بھر میں رضاکاروں کے لیے کال شروع کرنے کا اعلان کرتے ہیں، یہ کارروائی پورے عراق میں ہمارے تمام صوبے کے دفتروں کے ذریعے اسلام اور مظلوموں کی مدد کے جاری ہے۔
ناظم السعیدی نے یہ بھی خبردار کیا کہ اسلامی جمہوریہ ایران کے خلاف استکباری دشمن کی کسی بھی جارحیت یا ہمارے مذہبی لیڈروں اور ہمارے رہبر امام علی حسینی خامنہ ای کے خلاف کسی بھی جارحیت کا منہ توڑ جواب دیا جائے گا جس کا دشمن کو کبھی تصور بھی نہیں نہیں ہوا ہو گا، دشمن کی سازشیں اس کیخلاف پلٹ جائیں گی، اس کی حرص اس کے لیے پوری طرح سے بدل جائے گی اور خطے میں امریکہ اور اس کے اتحادیوں کی موجودگی ان کی تباہی کا سبب بنے گی۔
اس سلسلے میں النجبا تحریک کے رہنما اکرم الکعبی نے بھی دھمکی دی ہے کہ ایران پر امریکہ اور صیہونی حکومت کے کسی بھی حملے کا مطلب یہ ہوگا کہ پورا مغربی ایشیائی خطہ امریکی افواج، اڈوں اور مفادات کے خلاف بھڑک اٹھے گا۔ اس سے قبل عراقی حزب اللہ بریگیڈز کے سیکرٹری جنرل ابو حسین الحمیدوی نے خبردار کیا تھا کہ ایران کے خلاف اعلان جنگ کوئی کھیل نہیں ہو گا، اور دشمن دردناک موت کا مزہ چکھیں گے اور خطے میں ان کا کوئی نشان نہیں بچے گا۔
ذریعہ
ذریعہ: Islam Times
کلیدی لفظ: شروع کرنے کا اعلان النجبا تحریک مدد کے لیے کی مدد کے حزب اللہ کے خلاف
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ