آمدن سے زائد اثاثے، پی ٹی آئی کے رکن قومی اسمبلی ڈاکٹر امجد علی 3 فروری کو طلب
اشاعت کی تاریخ: 29th, January 2026 GMT
سوات سے پی ٹی آئی کے رکن اسمبلی ڈاکٹر امجد علی، جو اسمبلی میں کرپشن فری معاشرے کے بارے میں طویل تقریریں کرنے اور دوسروں کو ’ایمانداری کے سرٹیفکیٹس‘ تقسیم کرنے کے لیے جانے جاتے تھے، اب الیکشن کمیشن آف پاکستان کے سامنے اثاثوں کے معاملے میں طلب کر لیے گئے ہیں۔ ڈاکٹر امجد علی کو 3 فروری 2026 کو اسلام آباد میں پیش ہونا ہے، کیونکہ ان کے ظاہر کردہ آمدنی اور اثاثوں میں کچھ تضاد پایا گیا ہے۔ لگتا ہے کہ تقریروں کا دور ختم ہو گیا اور اب احتساب کا وقت ہے۔
مزید پڑھیں:خیبر پختونخوا مائنز بل، پی ٹی آئی کمیٹی کے اعتراضات، علی امین گنڈاپور تنہا رہ گئے؟
ڈاکٹر امجد علی نووارد سیاستدان نہیں ہیں۔ انہوں نے خیبر پختونخوا میں اہم عہدے سنبھالے ہیں۔ اس وقت ہاؤسنگ وزارت سے منسلک ہیں، 2018 سے 2023 تک صوبائی وزیر برائے معدنیات رہ چکے ہیں اور اس سے قبل چیف منسٹر کے خصوصی معاون برائے ہاؤسنگ رہے ہیں۔
وہ 3 مرتبہ سوات کے حلقوں سے رکن اسمبلی منتخب ہوئے 2013–2018، 2018–2023، اور پھر 2024 سے دوبارہ۔ علاوہ ازیں وہ ٹھیکیدار پس منظر سے تعلق رکھتے ہیں۔ اتنے زیادہ وزارتوں اور اختیارات کے باوجود ان کے اثاثے کس طرح اچانک آمدنی سے بڑھ گئے، یہ سوال اب عوام کے سامنے ہے۔
مزید پڑھیں:تحریک انصاف چھوڑنے والے ارکان پارٹی کے لیے کتنا بڑا دھچکا ثابت ہوئے؟
پی ٹی آئی کا نعرہ کرپشن کے خاتمے کا تھا، لیکن لگتا ہے کہ صفائی سب سے پہلے اپنے اندر سے شروع کرنا ہوگی۔ دوسروں پر الزام لگانا آسان تھا، لیکن اب قانون نے خود دروازہ کھٹکھٹا دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن آف پاکستان پی ٹی آئی کے رکن اسمبلی ڈاکٹر امجد علی پی ٹی آئی ڈاکٹر امجد علی، سوات.
ذریعہ
ذریعہ: WE News
کلیدی لفظ: الیکشن کمیشن ا ف پاکستان پی ٹی آئی کے رکن اسمبلی ڈاکٹر امجد علی پی ٹی ا ئی ڈاکٹر امجد علی سوات ڈاکٹر امجد علی پی ٹی آئی
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا