چین نے میانمار فراڈ اسکیمز سے منسلک 11 افراد کو موت کی سزا دے دی
اشاعت کی تاریخ: 29th, January 2026 GMT
چین نے 11 افراد کو پھانسی دے دی جو میانمار میں سرگرم مجرمانہ گروہوں اور ٹیلی کام فراڈ آپریشنز سے منسلک تھے۔
یہ بھی پڑھیں: شنگھائی ایئرپورٹ پر بھارتی خاتون کو زیر حراست رکھے جانے پر انڈیا کا چین سے شدید احتجاج
چینی خبر رساں ایجنسی شنہوا کے مطابق ان 11 افراد کو چین کے مشرقی صوبہ ژیجیانگ کے شہر وینژو کی عدالت نے ستمبر میں قتل، غیر قانونی حراست، فراڈ اور جوئے کے اڈوں کے قیام کے الزامات میں موت کی سزا سنائی تھی۔
ان میں منگ فیملی کرمنل گروپ کے ارکان بھی شامل تھے جنہوں نے میانمار میں کئی آپریشنل مراکز قائم کر کے ٹیلی کام فراڈ اور غیر قانونی جوئے کے اڈے چلائے۔
سپریم پیپلز کورٹ نے اپیل کی سماعت کے بعد تصدیق کی کہ ان فراڈ اور جوئے کے آپریشنز میں شامل رقم 10 ارب یوآن (تقریباً 1.
ان گروہوں نے ارادی قتل، حملے اور غیر قانونی حراست کے ذریعے 14 چینی شہریوں کو ہلاک کیا اور دیگر افراد کو زخمی کیا۔
جنوب مشرقی ایشیا میں فراڈ کمپاؤنڈزفراڈ کمپاؤنڈز تھائی لینڈ، کمبوڈیا اور میانمار میں فروغ پا چکے ہیں خاص طور پر میانمار کے سرحدی علاقوں میں جہاں قانون کی عملداری کمزور ہے۔
مزید پڑھیے: چینی نژاد آسٹریلوی مصنف ڈاکٹر یانگ کو سزائے موت کیوں؟
یہ مراکز بشمول چینی شہریوں اکثر غیر ملکیوں کے ذریعے چلائے جاتے ہیں جن میں سے کچھ کا دعویٰ ہے کہ انہیں زبردستی یا انسانی اسمگلنگ کے ذریعے کام پر لگایا گیا۔
چین کی کارروائی اور تعاونحالیہ برسوں میں بیجنگ نے جنوب مشرقی ایشیائی ممالک کے ساتھ مل کر ان فراڈ مراکز پر کریک ڈاؤن شروع کیا۔ سنہ 2025 میں میانمار کے شہر میاؤادی سے 7,600 سے زائد مشتبہ چینی شہریوں کو ملک واپس بھیجا گیا جو ٹیلی کام فراڈ اور آن لائن جوئے میں ملوث تھے۔
مزید پڑھیں: چین کے سابق وزیر زراعت کو رشوت لینے پر سزائے موت سنا دی گئی
اس ماہ چینی کاروباری شخصیت چن ژی کو کمبوڈیا سے چین منتقل کیا گیا جس پر امریکا نے الزام لگایا کہ وہ پرنس ہولڈنگ گروپ چلا رہے تھے جو ایشیا کی سب سے بڑی ٹرانس نیشنل کرمنل تنظیموں میں سے ایک کے لیے فرنٹ تھا۔
عالمی خدشاتاقوام متحدہ کے دفتر برائے منشیات اور جرائم نے اپریل میں خبردار کیا کہ سائبر اسکیم انڈسٹری عالمی سطح پر بڑھ رہی ہے اور دنیا بھر میں سینکڑوں ہزار افراد ان مراکز میں کام کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین چین میں افسران کو سزائے موت
ذریعہ
ذریعہ: WE News
کلیدی لفظ: چین چین میں افسران کو سزائے موت افراد کو فراڈ اور
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ