ایران اور امریکا کشیدگی میں اضافہ، پاکستان کا مذاکرات اور سفارت کاری پر زور
اشاعت کی تاریخ: 29th, January 2026 GMT
ایران اور امریکا کے درمیان بڑھتی ہوئی کشیدگی کے تناظر میں پاکستان نے خطے میں امن و استحکام کے لیے مسلسل مذاکرات اور سفارتی روابط کی اہمیت پر زور دیا ہے۔
جمعرات کے روز وزیراعظم شہباز شریف نے ایران کے صدر ڈاکٹر مسعود پزشکیان سے ٹیلی فونک رابطہ کیا، جس میں دونوں رہنماؤں نے خطے کی بدلتی ہوئی صورتحال پر تبادلہ خیال کیا۔ وزیراعظم نے اس موقع پر کہا کہ خطے میں امن، سلامتی اور ترقی کے فروغ کے لیے بات چیت اور سفارت کاری ہی واحد مؤثر راستہ ہے۔
یہ بھی پڑھیں: ایرانی ٹاپ سیکیورٹی آفیشل علی لاریجانی کا دورہ، پاک ایران تعاون مزید مضبوط
وزیراعظم آفس کے مطابق پاکستان اور ایران کے درمیان تاریخی، ثقافتی اور مذہبی رشتوں کی بنیاد پر قریبی تعلقات قائم ہیں، اور دونوں ممالک نے دوطرفہ ادارہ جاتی نظام کے تحت اعلیٰ سطح روابط اور مشاورت جاری رکھنے کے عزم کا اعادہ کیا ہے تاکہ باہمی تعاون کو مزید مضبوط بنایا جا سکے۔
Spoke with my brother President Dr.
We exchanged views on the evolving regional situation and agreed that sustained dialogue and diplomatic engagement are vital for peace, security, and development in our region.
We also reaffirmed our…
— Shehbaz Sharif (@CMShehbaz) January 29, 2026
اس سے قبل نائب وزیراعظم اور وزیر خارجہ اسحاق ڈار نے بھی ایرانی وزیر خارجہ عباس عراقچی سے ٹیلی فون پر بات چیت کی اور ایران و امریکا کے درمیان کشیدگی پر تشویش کا اظہار کیا۔ دفتر خارجہ کے مطابق اسحاق ڈار نے واضح کیا کہ مذاکرات اور سفارت کاری ہی آگے بڑھنے کا واحد قابلِ عمل راستہ ہے، جبکہ دونوں ممالک قریبی رابطے میں رہنے پر متفق ہوئے۔
یہ بھی پڑھیں: ترکیہ کی امریکا ایران کشیدگی کم کرانے کے لیے کردار ادا کرنے کی پیشکش
دفتر خارجہ کے مطابق عباس عراقچی نے اقوام متحدہ کی انسانی حقوق کونسل میں ایران سے متعلق قرارداد پر پاکستان کی حمایت پر شکریہ ادا کیا۔ حالیہ دنوں میں اقوام متحدہ کی انسانی حقوق کونسل نے ایران سے متعلق فیکٹ فائنڈنگ مشن کی مدت میں 2 سال کی توسیع کی قرارداد منظور کی تھی، جس کی پاکستان نے مخالفت کی۔
DPM/FM Senator Mohammad Ishaq Dar @MIshqqDar50 spoke today with Iranian FM Abbas Araghchi @Araghchi.
DPM/FM expressed concern over the evolving regional situation, and underscored that dialogue & diplomacy remain the only viable way forward. Both leaders agreed to remain in… pic.twitter.com/nyOebU0Yxm
— Ministry of Foreign Affairs – Pakistan (@ForeignOfficePk) January 29, 2026
ادھر ایران اور امریکا کے درمیان لفظی جنگ میں بھی شدت آ گئی ہے۔ امریکی صدر ڈونلڈ ٹرمپ نے ایران پر زور دیا ہے کہ وہ اپنے جوہری پروگرام پر مذاکرات کرے، بصورت دیگر مزید سخت کارروائی کا سامنا کرنا پڑے گا۔ امریکی حکام کے مطابق امریکا نے مشرق وسطیٰ میں اپنی فوجی موجودگی میں اضافہ کرتے ہوئے یو ایس ایس ابراہم لنکن طیارہ بردار بحری جہاز خطے میں تعینات کر دیا ہے۔
یہ بھی پڑھیں: ’امریکا ایران کی طاقت کو سمجھنے میں ناکام‘
ایران نے امریکی دھمکیوں کو مسترد کرتے ہوئے کہا ہے کہ دباؤ اور طاقت کے سائے میں مذاکرات ممکن نہیں۔ ایرانی حکام کا کہنا ہے کہ کسی بھی حملے کی صورت میں بھرپور جواب دیا جائے گا، تاہم ایران منصفانہ اور غیر جابرانہ جوہری معاہدے کے لیے آمادہ ہے۔
علاقائی سطح پر بھی تشویش پائی جا رہی ہے۔ ترکیہ کے وزیر خارجہ حکان فیدان نے امریکا سے ایران کے ساتھ مذاکرات شروع کرنے کا مطالبہ کرتے ہوئے خبردار کیا ہے کہ کسی بھی نئی جنگ سے پورا خطہ عدم استحکام کا شکار ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا ایران پاکستان ٹیلیفون مذاکرات وزیراعظم شہباز شریف
ذریعہ
ذریعہ: WE News
کلیدی لفظ: امریکا ایران پاکستان ٹیلیفون مذاکرات وزیراعظم شہباز شریف کے درمیان کے مطابق کے لیے
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار