پاکستان اور بنگلہ دیش کے درمیان فضائی رابطے بحال، بیمان ایئرلائن کی پرواز کراچی ائیرپورٹ پر لینڈ کرگئی
اشاعت کی تاریخ: 29th, January 2026 GMT
پاکستان اور بنگلہ دیش کے درمیان فضائی رابطے 14 سال بعد بحال ہوگئے ہیں، بیمان ایئرلائن کی پہلی پرواز ائیرپورٹ پر لینڈ کرگئی ہے۔
جمعرات کی شب بنگلادیش کی بیمان ایئرلائن کی افتتاحی پرواز حضرت شاہ جلال انٹرنیشنل ایئرپورٹ ڈھاکہ سے کراچی کے جناح انٹرنیشنل ایئرپورٹ پر لینڈ کر گئی۔ ڈھاکہ سے کراچی آنے والی افتتاحی پرواز میں 149 مسافر سوار تھے۔
یہ بھی پڑھیں: پاکستان بنگلہ دیش تعلقات میں بہتری، ڈھاکا اور کراچی کے درمیان براہِ راست پروازیں 14 سال بعد بحال
کراچی ایئر پورٹ پر لینڈ کرنے پر بیمان ایئر لائنز کے طیارے کو روایتی انداز میں واٹر سلیوٹ دیا گیا، گورنر سندھ کامران ٹیسوری بھی تقریب میں شریک تھے۔
اس موقع پر گورنر سندھ کامران خان ٹیسوری نے کہا کہ 14 سال بعد براہ راست پروازوں کی بحالی صرف فضائی اشتراک نہیں بلکہ زندگی کے ہر شعبے میں تعاون کے فروغ کا باعث بنے گی۔ انہوں نے کہا کہ آج کئی سال پر محیط سازشیں دم توڑ چکی ہیں، جبکہ انتہا پسند مودی نہ صرف پاکستان بلکہ بنگلہ دیش میں بھی بدامنی کا ذمہ دار ہے۔
یہ بھی پڑھیں: بِمان بنگلہ دیش ایئرلائنز کی پاکستان کے لیے پروازوں کا آغاز 29 جنوری سے ہوگا، نشستیں چند گھنٹوں میں بک
گورنر سندھ کا کہنا تھا کہ کرکٹ کے میدان میں بھی بھارت نے بنگلہ دیش کو باہر کرنے کی کوشش کی، تاہم بنگلہ دیشی عوام اور پاکستانی قوم کے دل ایک ساتھ دھڑکتے ہیں۔ دونوں ممالک کے عوام ایک دوسرے سے محبت کرتے ہیں اور براہ راست فضائی رابطے کی بحالی پر بنگلہ دیش حکومت کے شکر گزار ہیں۔
انہوں نے مزید کہا کہ بنگلہ دیش کے ساتھ تجارتی تعلقات تیزی سے فروغ پائیں گے اور بھارتی سازشوں اور جارحیت کا پاکستان اور بنگلہ دیش مل کر مقابلہ کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بیمان ایئرلائنز پاکستان ڈھاکہ فضائی رابطہ کراچی.
ذریعہ
ذریعہ: WE News
کلیدی لفظ: بنگلہ دیش بیمان ایئرلائنز پاکستان ڈھاکہ کراچی بنگلہ دیش پر لینڈ
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ