ڈھاکہ میں’میڈ ان پاکستان‘ نمائش کے انعقاد میں بھرپور تعاون کریں گے، پاکستانی ہائی کمشنر
اشاعت کی تاریخ: 29th, January 2026 GMT
پاکستان ایسوسی ایشن آف ایگزی بیشن انڈسٹری کے بانی چیئرمین خورشید برلاس نے بنگلہ دیش میں تعینات پاکستانی ہائی کمشنر عمران حیدر سے ڈھاکہ میں ملاقات کی جنہوں نے ڈھاکہ میں ہونے والی چوتھی ’میڈ ان پاکستان‘ نمائش کے انعقاد میں مکمل تعاون کی یقین دہانی کرائی۔
نمائش کا مقصد اور اہمیت
دوران ملاقات خورشید برلاس نے کہا کہ یہ نمائش پاکستانی مصنوعات کو بنگلہ دیش میں متعارف کروانے اور کاروباری روابط کو فروغ دینے کے لیے منعقد کی جا رہی ہے۔
انہوں نے بتایا کہ گزشتہ سال بنگلہ دیش میں ہونے والی تیسری میڈ ان پاکستان نمائش میں ٹیکسٹائل، فوڈ پراڈکٹس، گھریلو سامان، جوتے، ٹائلیں، زیورات، کھیلوں کا سامان، فیشن اور سیاحت سمیت مختلف شعبوں کی مصنوعات پیش کی گئیں اور پاکستانی مصنوعات کو مقامی مارکیٹ میں کافی پذیرائی حاصل ہوئی۔
چوتھی نمائش کی تفصیلاتچوتھی میڈ ان پاکستان نمائش 6 سے 10 اکتوبر 2026 کو انٹرنیشنل کنونشن سٹی بسوندھرا (ICCB) ڈھاکہ میں منعقد ہوگی۔
خورشید برلاس نے کہا کہ اس موقع پر پاکستانی خواتین کاروباری شخصیات بنگلہ دیش کی ترقی پذیر ٹیکسٹائل انڈسٹری سے فائدہ اٹھا سکتی ہیں جبکہ بنگلہ دیشی خواتین پاکستان کی بڑھتی ہوئی ریٹیل مارکیٹ میں نئے صارفین تلاش کر سکیں گی۔
پاکستانی ہائی کمشنر کا اعتمادپاکستانی ہائی کمشنر عمران حیدر نے کہا کہ پاکستان اور بنگلہ دیش کے درمیان تجارت، سرمایہ کاری، صنعت، توانائی، موسمیاتی تبدیلی اور انفارمیشن ٹیکنالوجی کے شعبوں میں تعاون بڑھ رہا ہے۔
انہوں نے کہا کہ ٹریڈ کو بڑھانے اور نئے مواقع تلاش کرنے کے لیے نمائشوں کا انعقاد بہت ضروری ہے اور حکومت اور ہائی کمشنر کی جانب سے نمائش کے انعقاد میں بھرپور تعاون کیا جائے گا۔
تعاون اور دستاویزات کی فراہمیآخری مرحلے میں پاکستان ایسوسی ایشن آف ایگزی بیشن انڈسٹری کی جانب سے خورشید برلاس نے پاکستانی ہائی کمشنر عمران حیدر کو نمائش کے حوالے سے تمام دستاویزات پیش کیں تاکہ کامیاب انعقاد یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش پاکستان ایسوسی ایشن آف ایگزی بیشن انڈسٹری پاکستانی ہائی کمشنر عمران حیدر ڈھاکہ میڈ ان پاکستان نمائش.
ذریعہ
ذریعہ: WE News
کلیدی لفظ: بنگلہ دیش پاکستان ایسوسی ایشن آف ایگزی بیشن انڈسٹری پاکستانی ہائی کمشنر عمران حیدر ڈھاکہ میڈ ان پاکستان نمائش پاکستانی ہائی کمشنر عمران حیدر خورشید برلاس نے میڈ ان پاکستان بنگلہ دیش ڈھاکہ میں نے کہا کہ نمائش کے
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
وزارت آئی ٹی نے 1.67 ارب روپے سے زاید کے فنڈز طلب کرلیے