خون جما دینے والی سردی کا توڑ لاندی جو گھروں سے نکل کر ہوٹل تک پہنچ گئی
اشاعت کی تاریخ: 30th, January 2026 GMT
بلوچستان اپنی جغرافیائی ساخت، ثقافتی تنوع اور روایتی ذائقوں کی وجہ سے ملک بھر میں ایک منفرد مقام رکھتا ہے۔
یہ بھی پڑھیں: تیار کرنے کے لیے بھیڑ کا گوشت خشک کرنے کی قدیم روایت آج بھی زندہ ہے
صوبے میں بڑی تعداد میں آباد پشتون اپنی روایات اور کھانوں کے باعث نمایاں پہچان رکھتے ہیں اور یہی وجہ ہے کہ پشتونوں کے روایتی پکوان بلوچستان بھر میں بے حد پسند کیے جاتے ہیں۔
سرد موسم ہو اور روایتی پشتون پکوان لاندی کا ذکر نہ آئے، یہ ممکن ہی نہیں۔
لاندی جو ماضی میں صرف گھروں میں تیار کی جاتی تھی اب وقت کے ساتھ گھروں کی چہار دیواری سے نکل کر ہوٹلوں تک پہنچ چکی ہے۔
کوئٹہ شہر کے وسط میں ایک مقامی تاجر نے ایسا منفرد ہوٹل قائم کیا ہے جہاں لاندی سے تیار کردہ مختلف اقسام کے پکوان شہریوں میں تیزی سے مقبول ہو رہے ہیں۔ ان میں لاندی کا شوربا، چینکی لاندی کڑاہی اور لاندی کابلی پلاؤ خاص طور پر شہریوں کی پہلی پسند بنے ہوئے ہیں۔
مزید پڑھیے: سائبیریائی سردی: چٹپٹی فرائی مچھلی کی چاہ میں کوئٹہ کے شہریوں کا ریسٹورنٹس پر دھاوا
وی نیوز سے گفتگو کرتے ہوئے شہریوں کا کہنا تھا کہ لاندی سردیوں کے موسم میں جسم کو گرم رکھنے والی غذا سمجھی جاتی ہے اور صحت کے لیے بھی فائدہ مند ہے تاہم ان تمام خوبیوں سے بڑھ کر اس کا ذائقہ ہی اسے دیگر پکوانوں سے ممتاز بناتا ہے۔
ہوٹل کے مالک نے وی نیوز کو بتایا کہ لاندی کو ہوٹل میں متعارف کرانے کا خیال انہیں ذاتی تجربے سے آیا۔ انہوں نے کہا کہ میں خود لاندی کے لیے اپنے رشتہ داروں کو فون کرتا تھا کیونکہ یہ عموماً سرد علاقوں میں 20 سے 30 دن کی محنت کے بعد خشک کی جاتی ہے۔
لاندی کے شوقین تو بہت تھے لیکن اسے تیار کرنے والے کم، اسی کمی کو دیکھتے ہوئے انہوں نے ہوٹل میں لاندی کے پکوان متعارف کرانے کا فیصلہ کیا جو اب بے حد مقبول ہو چکے ہیں۔
مزید پڑھیں: پشین کا ایک صدی پرانا ذائقہ: سرانان کا عالمی شہرت یافتہ لاجواب روش
کوئٹہ میں لاندی کے یہ روایتی پکوان نہ صرف سردیوں کی سوغات بن گئے ہیں بلکہ پشتون ثقافت، روایات اور ذائقوں کو نئی نسل تک منتقل کرنے کا ذریعہ بھی ثابت ہو رہے ہیں۔ دیکھیے یہ ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان بلوچستان کی خاص خوراک لاندی کوئٹہ لاندی.
ذریعہ
ذریعہ: WE News
کلیدی لفظ: بلوچستان بلوچستان کی خاص خوراک لاندی کوئٹہ لاندی لاندی کے کے لیے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار