پہلا ٹی 20‘پاکستان نے آسٹریلیا کو 22رنز سے شکست دیدی
اشاعت کی تاریخ: 30th, January 2026 GMT
لاہور(سپورٹس رپورٹر)پاکستان نے سیریز کے پہلے ٹی 20 میچ میں آسٹریلیا کو 22 رنز سے شکست دے کر فاتحانہ آغاز کردیا۔ پاکستان اور آسٹریلیا کی ٹیموں کے درمیان ٹی 20 سیریز کا پہلا میچ لاہور کے قذافی سٹیڈیم میں کھیلا گیا۔قومی ٹیم کے کپتان سلمان آغا نے ٹاس جیت پر پہلے بیٹنگ کا فیصلہ کیا۔پاکستان نے8وکٹوں پر 168رنز بنائے ۔ پاکستان ٹیم نے پہلی ہی گیند پر وکٹ گنوانے کے باجود جارحانہ انداز اپنایا اور ابتدائی 10 اوورز میں پاکستان نے 3 وکٹوں کے نقصان پر 92 رنز بنائے۔صائم ایوب 40، کپتان سلمان علی آغا 39 اور صاحبزادہ فرحان بغیر کوئی رن بنائے آؤٹ ہوئے۔ بابر اعظم نے 24 رنز کی اننگز کھیلی۔فخر زمان 10‘عثمان خان 18‘شاداب خان ایک ‘شاہین شاہ آفریدی صفرپر آئوٹ ہوئے ۔ محمد نواز15اور سلمان مرزا4رنز پر ناٹ آئوٹ رہے ۔ ایڈم زیمپا نے 4، زیویئر بارٹلیٹ اور ماہل بریڈ مین نے 2، 2 کھلاڑیوں کو آئوٹ کیا۔ 169 رنز ہدف کے تعاقب میں آسٹریلیا کی بیٹنگ لائن بری طرح سے ناکام رہی اور صرف 80 کے مجموعی سکور پر 5 کھلاڑی آؤٹ ہوگئے۔آسٹریلیا کی پہلی وکٹ 21، دوسری 28 پر گری جس کے بعد بیٹرز نے سنبھل کر بیٹنگ کی تو 68 رنز پر میتھ رنشا رن آؤٹ ہوگئے۔ پھر 68 رنز پر ہی کونولی آؤٹ ہوئے۔ 80 کے مجموعی سکور پر مچل اون بھی رن آؤٹ ہوئے۔ہدف کے تعاقب میں آسٹریلوی ٹیم 8 وکٹوں کے نقصان پر 146 رنز تک محدود رہی۔ میتھیو شارٹ پانچ ‘کپتان ٹریوس ہیڈ 23‘کیمرون گرین 36‘میٹ رنشاپندرہ ‘کوپر کنولی صفر‘مچل اوون آٹھ ‘جوش فلپ بارہ ‘جیک ایڈورڈز پانچ‘ژاویئر بارٹلٹ 34‘ایڈم زمپا پانچ رنز تک محدود رہے ۔ صائم ایوب اور محمد ابرار نے 2، 2 جبکہ شاداب خان اور محمد نواز نے 1، 1 وکٹ حاصل کی۔صائم ایوب کو میچ کا بہترین کھلاڑی قرار دیا گیا۔ دونوں ٹیموں کے درمیان سیریز کا دوسرا میچ کل قذافی سٹیڈیم میں ہی سہ پہر چار بجے کھیلا جائیگا۔
.
ذریعہ
ذریعہ: Nawaiwaqt
کلیدی لفظ: پاکستان نے ا سٹریلیا ٹ ہوئے
پڑھیں:
ہمیں پتہ ہے یہ ڈرے ہوئے ہیں، ہمارا فوکس بانی پی ٹی آئی کی رہائی ہے، علیمہ خان
علیمہ خان (فائل فوٹو)۔بانی پی ٹی آئی کی ہمشیرہ علیمہ خان نے نے کہا کہ حکمراں اتنے خوفزدہ ہیں کہ بشریٰ بی بی کی فیملی کو بتایا ہوا ہے باہر جا کر بات نہیں کرنا۔
راولپنڈی میں گورکھپور فیکٹری ناکے پر میڈیا سے گفتگو کرتے ہوئے علیمہ خان نے کہا کہ ہمیں پتہ ہے یہ ڈرے ہوئے اور خوفزدہ ہیں، ہمارا فوکس بانی پی ٹی آئی کی رہائی ہے۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
انھوں نے کہا کہ آج اڈیالہ جیل کے اطراف کرفیو لگایا گیا ہے، بازار بھی بند کیا گیا ہے، ہمارا آئینی حق ہے کہ ہم اپنے بھائی سے ملیں، بانی پی ٹی آئی کو قید تنہائی میں رکھ کر ٹارچر کیا جا رہا ہے۔
علیمہ خان نے کہا کہ میرے خلاف بھی کیس چل رہا ہے مجھے بھی جیل میں ڈال دیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ