خیبر پختونخوا: تیراہ نقل مکانی، اب تک کتنے خاندان نقل مکانی کر چکے ہیں؟
اشاعت کی تاریخ: 30th, January 2026 GMT
خیبر پختونخوا کے دہشتگردی سے متاثرہ وادی تیراہ سے برف باری کے باعث شدید سردی میں بھی مقامی افراد کی نقل مکانی جاری ہے، اور اب تک 70 فیصد سے زائد آبادی علاقہ چھوڑ چکی ہے۔ قبائلی ضلع خیبر کے ضلعی حکام نے نقل مکانی کرنے والوں کی سہولت کے لیے پوائنٹس قائم کیے ہیں، جہاں رجسٹریشن کے بعد کرایے کی مد میں نقد ادائیگی بھی کی جا رہی ہے۔
اب تک کتنے خاندان نقل مکانی کر چکے ہیں؟
ضلعی انتظامیہ کے ترجمان نے وی نیوز کو بتایا کہ وادی تیراہ سے نقل مکانی کرنے والوں کی رجسٹریشن کے لیے تحصیل باڑہ میں پوائنٹس قائم ہیں، جہاں اس وقت بھی رجسٹریشن کا عمل جاری ہے۔ انہوں نے بتایا کہ گزشتہ ہفتے سے یہ عمل جاری ہے اور اب تک 70 فیصد سے زائد لوگ علاقہ چھوڑ چکے ہیں، جبکہ باقی بھی نقل مکانی کر رہے ہیں۔
یہ بھی پڑھیں:گورنر خیبرپختونخوا نے وادی تیراہ سے عارضی انخلا کی صورتحال بارے قائم مقام صدر کو آگاہ کیا
اعداد و شمار کے حوالے سے انہوں نے بتایا کہ اب تک 13 ہزار 725 خاندانوں کی رجسٹریشن ہو چکی ہے جو تیراہ سے نقل مکانی کر کے باڑہ پہنچے ہیں، جبکہ مزید رجسٹریشن کا عمل جاری ہے۔
55 ہزار ماہانہ ادائیگی
انہوں نے بتایا کہ نقل مکانی کرنے والے خاندانوں کو کرایے کی مد میں اسی وقت ادائیگی کی جاتی ہے، جو گاڑی کے حساب سے ہوتی ہے۔ انہوں نے بتایا کہ جو لوگ چھوٹی گاڑی میں آ رہے ہیں، انہیں کرایے کی مد میں 22 ہزار روپے دیے جا رہے ہیں، جبکہ جن خاندانوں کے افراد زیادہ ہیں اور بڑی گاڑی میں آ رہے ہیں، انہیں کرایے کی مد میں 44 ہزار روپے دیے جا رہے ہیں۔
انہوں نے مزید بتایا کہ نقل مکانی کرنے والے خاندانوں کو 55 ہزار روپے ماہانہ موبائل سم یا بینک کے ذریعے دیے جا رہے ہیں۔
کون سے علاقوں سے نقل مکانی ہو رہی ہے؟
ضلعی انتظامیہ کے مطابق پاک افغان سرحد کے قریب واقع وادی تیراہ میں شدید برف باری ہوئی ہے، جس کے باعث علاقہ شدید سردی کی لپیٹ میں ہے، اور اس کے باوجود 70 فیصد آبادی نقل مکانی کر چکی ہے، جبکہ باقی لوگ بھی نکل رہے ہیں۔
انہوں نے بتایا کہ وادی تیراہ کے علاقوں ملک دین خیل، برقمبر خیل، شلوبر، آدم خیل، زخا خیل، تیراہ میدان، لر باغ اور دیگر علاقوں سے نقل مکانی ہو رہی ہے۔
’لوگ وہاں سے نکل رہے ہیں، تاہم سخت سردی اور برف باری کے باعث کچھ حد تک رفتار میں کمی آئی ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: انہوں نے بتایا کہ کرایے کی مد میں نقل مکانی کرنے سے نقل مکانی نقل مکانی کر وادی تیراہ تیراہ سے رہے ہیں جاری ہے
پڑھیں:
وسیم اکرم، مصباح اور فخر عالم نے اپنی حج کی پوسٹس پر ہونے والی تنقید کا جواب دے دیا
پاکستانی کرکٹ کے لیجنڈ وسیم اکرم، سابق کپتان مصباح الحق، میزبان و اداکار فخر عالم، سابق کرکٹر سعید انور اور دیگر معروف شخصیات نے اس سال مشترکہ طور پر فریضۂ حج ادا کیا۔ تاہم دورانِ حج سوشل میڈیا پر ان کی بعض ویڈیوز اور تصاویر وائرل ہونے کے بعد انہیں تنقید کا سامنا بھی کرنا پڑا۔
وسیم اکرم کی رمی الجمرات کے دوران شیئر کی گئی ایک ویڈیو، جس میں انہوں نے اپنے مخصوص سوئنگ اسٹائل میں شیطان کو کنکریاں مارنے کا انداز اپنایا، خاصی وائرل ہوئی۔ بعد ازاں ایک اور ویڈیو میں وہ مصباح الحق کے لیے کیلے اٹھائے ہوئے دکھائی دیے، جس پر بھی صارفین نے مختلف تبصرے کیے۔
دوسری جانب فخرِ عالم نے اپنے حج سفر کی متعدد جھلکیاں سوشل میڈیا پر شیئر کیں جن میں اداکار بلال عباس خان اور کامیڈین تابش ہاشمی سمیت دیگر شخصیات بھی نظر آئیں۔ ان سرگرمیوں کے باعث بعض سوشل میڈیا صارفین نے اس سفر کو ’’حج کے بجائے پکنک‘‘ قرار دیا۔
@timesofkarachiWhy didn’t Wasim Akram, Fakhar-e-Alam, and Misbah-ul-Haq shave their heads as part of the Hajj ritual? #TOKReports #Hajj #WasimAkram #FakhareAlam #MisbahulHaq
♬ original sound - Times of Karachiحالیہ گفتگو میں وسیم اکرم، فخرِ عالم اور مصباح الحق نے ان تنقیدی تبصروں کا جواب دیتے ہوئے کہا کہ بہت سے لوگوں نے سوال اٹھایا کہ انہوں نے حج کے بعد سر منڈوانے کے بجائے صرف بال کیوں کٹوائے۔ ان کے مطابق حج پر روانگی سے قبل انہوں نے علماء کرام سے رہنمائی حاصل کی تھی جنہوں نے دو شرعی آپشنز بتائے تھے، یا تو مکمل سر منڈوایا جائے یا پھر قصر کروائی جائے، جس میں بالوں کا ایک حصہ کٹوایا جاتا ہے۔ انہوں نے دوسرا طریقہ اختیار کیا جو شرعی طور پر جائز ہے۔
انہوں نے ’’حج یا پکنک‘‘ سے متعلق تنقید پر بھی ردعمل دیتے ہوئے کہا کہ حج ایک عظیم عبادت ہے، لیکن اس دوران انسان چوبیس گھنٹے صرف ایک ہی عمل میں مصروف نہیں رہتا۔ عبادت کے ساتھ دوستوں سے ملاقات، گفتگو، دعائیں، مسکراہٹیں اور خوشی کے لمحات بھی اس سفر کا حصہ ہوتے ہیں۔ ان کا کہنا تھا کہ تنقید کرنے سے پہلے لوگوں کو ان معاملات کی مکمل معلومات حاصل کرنی چاہئیں۔
وسیم اکرم اور ان کے ساتھیوں نے بتایا کہ انہوں نے نوجوان نسل کے لیے بھی مختلف ویڈیوز بنائیں تاکہ حج کی ادائیگی سے متعلق رہنمائی فراہم کی جا سکے اور نوجوانوں میں اس مقدس سفر کا شوق پیدا ہو۔ ان کے مطابق ان ویڈیوز کا مقصد صرف معلومات دینا اور لوگوں کو حج کے لیے آمادہ کرنا تھا۔
مدینہ منورہ سے گفتگو کرتے ہوئے فخر عالم نے کہا کہ حج مکمل کرنے کے بعد سب سے زیادہ یہی سوال پوچھا جا رہا ہے کہ آخر انہیں حج پر جانے کی ترغیب کیسے ملی۔ اس سوال کے جواب میں وسیم اکرم نے کہا کہ انہوں نے پہلے سے کوئی خاص منصوبہ بندی نہیں کی تھی، بلکہ وہ ہمیشہ یہی سوچتے تھے کہ جب دل سے تیاری محسوس ہوگی تو حج کریں گے۔ ان کے بقول جب انہیں معلوم ہوا کہ فخر عالم اور مصباح الحق بھی حج پر جا رہے ہیں تو انہوں نے بھی اس قافلے میں شامل ہونے کا فیصلہ کر لیا۔
View this post on Instagramوسیم اکرم نے مزید کہا کہ وہ جلد 60 برس کے ہونے والے ہیں اور انہیں محسوس ہوا کہ اب اس مقدس فریضے کی ادائیگی کا بہترین وقت آ گیا ہے۔ انہوں نے حج کے سفر کو جسمانی طور پر مشکل لیکن یادگار اور قابلِ برداشت قرار دیا۔
مصباح الحق نے بھی اپنے جذبات کا اظہار کرتے ہوئے کہا کہ حج کا یہ سفر ان کی زندگی کے خاص ترین تجربات میں سے ایک ہے۔ ان کے مطابق دوستوں کے ساتھ اس روحانی سفر کو طے کرنے سے اس کی خوبصورتی اور یادیں مزید بڑھ گئیں، اور یہ تجربہ ہمیشہ ان کے دل میں محفوظ رہے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ