عالمی سرمایہ کاری میں اضافہ، عالمی اقتصادی فورم 2026 میں پاکستان کی کامیاب شرکت
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
ایس آئی ایف سی پاکستان کی عالمی اقتصادی شراکت داری اور غیر ملکی سرمایہ کاری کے فروغ میں مؤثر اور کلیدی کردار ادا کر رہا ہے، جس کے باعث عالمی سطح پر سرمایہ کاروں کا اعتماد مضبوط ہو رہا ہے۔
تفصیلات کے مطابق وفاقی وزیرِ خزانہ سینیٹر محمد اورنگزیب نے عالمی مالیاتی رہنماؤں اور سرمایہ کاروں سے اہم ملاقاتیں کیں، جن میں عالمی قیادت نے پاکستان کی معاشی پیش رفت اور اصلاحاتی اقدامات کو بھرپور سراہا۔
ایشیائی ڈویلپمنٹ بینک کے صدر کا کہنا ہے کہ اصلاحات اور مارکیٹ میں بڑھتے ہوئے اعتماد کے باعث پاکستان اقتصادی تبدیلی کے ایک اہم مرحلے میں داخل ہو چکا ہے۔
فورم کے دوران بیرونی سرمایہ کاروں کی بڑی تعداد نے پاکستان میں سرمایہ کاری کے نمایاں اعلانات کیے۔ مشیر وزیر خزانہ خرم شہزاد کے مطابق سرمایہ کاری کے شعبے میں غیر معمولی پیش رفت سامنے آئی ہے۔
وزیراعظم سمیت وفاقی وزرا کے وفد کے دورۂ ڈیوس 2026 کے دوران بھی عالمی سرمایہ کاروں کی جانب سے پاکستان میں سرمایہ کاری کے اہم اعلانات کیے گئے۔
خرم شہزاد نے بتایا کہ نیسلے نے پاکستان میں مزید 17 ارب روپے کی سرمایہ کاری کا اعلان کیا ہے، جبکہ نیسلے پاکستان کو علاقائی ایکسپورٹ ہب بنانے کا منصوبہ بھی رکھتی ہے، جہاں سے 26 ممالک کو برآمدات کی جائیں گی۔
ایس آئی ایف سی کی اصلاحات اور سہولت کاری کے نتیجے میں عالمی سرمایہ کاری میں مسلسل اضافہ ہو رہا ہے اور پاکستان پر سرمایہ کاروں کا اعتماد مزید مستحکم ہوتا جا رہا ہے۔
.
ذریعہ
ذریعہ: Jasarat News
کلیدی لفظ: سرمایہ کاری کے سرمایہ کاروں رہا ہے
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار