عالمی اقتصادی فورم 2026 میں پاکستان کی نمایاں کامیابیاں، عالمی سرمایہ کاروں کا اعتماد بحال
اشاعت کی تاریخ: 30th, January 2026 GMT
اسلام آباد (طارق محمود سمیر)عالمی اقتصادی فورم 2026 میں پاکستان نے نمایاں معاشی پیش رفت کے ساتھ اپنی مضبوط بنیادوں اور اصلاحاتی اقدامات کو مؤثر انداز میں دنیا کے سامنے پیش کیا، جس کے نتیجے میں عالمی سرمایہ کاروں کے اعتماد میں واضح اضافہ دیکھنے میں آیا۔
فورم کے دوران اسپیشل انویسٹمنٹ فسیلیٹیشن کونسل (ایس آئی ایف سی) نے پاکستان کی عالمی اقتصادی شراکت داری کو فروغ دینے اور غیر ملکی سرمایہ کاری کے حصول میں کلیدی کردار ادا کیا۔ پاکستان نے عالمی برادری کو یہ پیغام دیا کہ معیشت کو مستحکم کرنے کے لیے مالیاتی نظم و ضبط اور اصلاحات پر سنجیدگی سے عمل کیا جا رہا ہے۔
وفاقی وزیرِ خزانہ سینیٹر محمد اورنگزیب نے عالمی مالیاتی اداروں کے سربراہان اور بین الاقوامی سرمایہ کاروں سے اہم ملاقاتیں کیں، جن میں پاکستان کی معاشی سمت، اصلاحاتی ایجنڈا اور سرمایہ کاری کے مواقع پر تفصیلی تبادلہ خیال کیا گیا۔ عالمی مالیاتی قیادت نے پاکستان کی معاشی بہتری اور اصلاحات کو بھرپور سراہا۔
ایشیائی ترقیاتی بینک کے صدر نے اس موقع پر کہا کہ پاکستان اصلاحاتی اقدامات اور بڑھتے ہوئے مارکیٹ اعتماد کے باعث ایک اہم اقتصادی تبدیلی کے مرحلے میں داخل ہو رہا ہے۔
فورم میں شریک متعدد غیر ملکی سرمایہ کاروں نے پاکستان میں سرمایہ کاری کے اہم اعلانات بھی کیے۔ وزیر خزانہ کے مشیر خرم شہزاد کے مطابق عالمی اقتصادی فورم کے دوران سرمایہ کاری کے میدان میں انتہائی مثبت پیش رفت سامنے آئی ہے۔
خرم شہزاد نے بتایا کہ وزیرِ اعظم اور وفاقی وزرا کے وفد کے دورۂ ڈیوس 2026 کے دوران عالمی سرمایہ کاروں کی جانب سے پاکستان میں سرمایہ کاری کے بڑے اور اہم اعلانات کیے گئے۔ ان کے مطابق نیسلے نے پاکستان میں مزید 17 ارب روپے کی سرمایہ کاری کا اعلان کیا ہے اور پاکستان کو ایک علاقائی ایکسپورٹ ہب بنانے کا فیصلہ کیا ہے، جہاں سے 26 ممالک کو برآمدات کی جائیں گی۔
انہوں نے مزید بتایا کہ آذربائیجان کی توانائی کمپنی سوکار پاکستان کی آئل اینڈ گیس مارکیٹ میں بڑی سرمایہ کاری کرنے جا رہی ہے، جبکہ کویت کے رقمی اسلامی ڈیجیٹل بینک نے پاکستان میں ڈیجیٹل بینک قائم کرنے کے لیے 100 ملین ڈالر کی سرمایہ کاری کا اعلان کیا ہے۔
خرم شہزاد کے مطابق پاکستان میں ڈیجیٹل معیشت کے فروغ کے ساتھ ساتھ بیرونی سرمایہ کاری میں مسلسل اضافہ ہو رہا ہے۔ ان کا کہنا تھا کہ ایس آئی ایف سی کی اصلاحات اور مؤثر سہولت کاری کے باعث عالمی سرمایہ کاروں کا اعتماد مزید مضبوط ہوا ہے اور پاکستان عالمی سرمایہ کاری کے نقشے پر دوبارہ نمایاں ہو رہا ہے۔
ذریعہ
ذریعہ: Daily Mumtaz
کلیدی لفظ: عالمی سرمایہ کاروں سرمایہ کاری کے عالمی اقتصادی پاکستان میں نے پاکستان پاکستان کی کی سرمایہ رہا ہے
پڑھیں:
آزاد کشمیر میں ڈیڑھ ماہ بعد انٹرنیٹ سروس بحال ہونا شروع
فائل فوٹوآزاد کشمیر میں ڈیڑھ ماہ بعد انٹرنیٹ سروس بحال ہونا شروع ہوگئی، میرپور ڈویژن میں انٹرنیٹ سروس جزوی طور پر بحال ہوئی۔
ذرائع کا کہنا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا، آزاد کشمیر میں 5 جون سے انٹرنیٹ سروس معطل تھی۔
آزاد کشمیر میں امن و امان کی صورتحال کے باعث انٹرنیٹ سروس بند کی گئی تھی، چئیرمین پیپلز پارٹی بلاول بھٹو زرداری نے حکومت سے انٹرنیٹ بحال کرنے کا مطالبہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار