سپریم کورٹ: 40 تولہ حق مہر پر اعتراض، چیف جسٹس کا شوہر کو ادائیگی کا مشورہ
اشاعت کی تاریخ: 30th, January 2026 GMT
چیف جسٹس یحییٰ آفریدی کا کہنا ہے کہ نکاح نامے میں حق مہر کی مد میں درج تمام اشیا اور رقم کی ادائیگی شوہر پر لازم ہے جس سے انحراف کی کوئی گنجائش نہیں۔
جہیز اور حق مہر سے متعلق مختلف درخواستوں کی سماعت چیف جسٹس یحییٰ آفریدی کی سربراہی میں سپریم کورٹ کی 2 رکنی بنچ نے کی۔
چیف جسٹس نے ریمارکس دیے کہ جب کوئی مرد عورت سے شادی کرتا ہے تو وہ نکاح نامے کے تحت طے شدہ شرائط کو تسلیم کرتا ہے، اس لیے حق مہر کی ادائیگی قانونی اور شرعی ذمہ داری ہے۔
یہ بھی پڑھیں: پی ٹی آئی قیادت کی آمد کے پیشِ نظر سپریم کورٹ میں غیر معمولی سیکیورٹی انتظامات
سماعت کے دوران درخواست گزار کے وکیل نے مؤقف اختیار کیا کہ حق مہر میں 40 تولہ سونا بہت زیادہ ہے اور شوہر بیس تولہ ادا کرنے کو تیار ہے۔
جس پر چیف جسٹس نے ریمارکس دیے کہ تھوڑا اور دے دیں تو معاملہ ٹھیک ہو جائے گا۔
مزید پڑھیں: غیر منصفانہ برطرفی کے شکار پولیس اہلکار مکمل واجبات کے حق دار، سپریم کورٹ کا بڑا فیصلہ
چیف جسٹس پاکستان نے کہا کہ بیگم کو مطمئن کرنا شوہر کی ذمہ داری ہے اور ایسے خاندانی معاملات میں عدالت مداخلت نہیں کر سکتی۔
ان کے مطابق اس نوعیت کے تنازعات فریقین کے باہمی معاملات ہوتے ہیں جنہیں خود حل کرنا چاہیے۔
سماعت کے اختتام پر سپریم کورٹ نے جہیز اور حق مہر سے متعلق مختلف درخواستیں خارج کر دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
40 تولہ جسٹس یحییٰ آفریدی جہیز چیف جسٹس حق مہر ذمہ داری سپریم کورٹ سونا شرعی قانونی نکاح نامے.
ذریعہ
ذریعہ: WE News
کلیدی لفظ: 40 تولہ جسٹس یحیی ا فریدی جہیز چیف جسٹس سپریم کورٹ نکاح نامے سپریم کورٹ چیف جسٹس
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
وزارت آئی ٹی نے 1.67 ارب روپے سے زاید کے فنڈز طلب کرلیے