عمران خان کو کسی چھوٹے نہیں بلکہ بڑے مسئلے کی وجہ سے پمز اسپتال لایا گیا، بابر اعوان
اشاعت کی تاریخ: 30th, January 2026 GMT
اسلام آباد:
سینیئر قانون دان اور پی ٹی آئی رہنما ڈاکٹر بابر اعوان کا کہنا ہے کہ بتایا گیا کہ چھوٹا سا مسئلہ تھا اس لیے رات کو پمز لایا گیا لیکن عمران خان کو چھوٹے مسئلے کے لیے نہیں بلکہ کسی بڑے مسئلے کی وجہ سے اسپتال لایا گیا۔
کے پی کے ہاؤس اسلام آباد کے باہر چیئرمین پی ٹی آئی بیرسٹر گوہر خان کے ہمراہ پریس کانفرنس کرتے ہوئے ڈاکٹر بابر اعوان نے کہا کہ پہلے کہا گیا بانی پی ٹی آئی صحت مند ہیں، پھر کہا گیا کہ جیل کے اندر ڈاکٹرز کی ٹیم موجود ہے جو ان کا خیال رکھ رہی ہے۔ ہمارا مطالبہ ہے کہ بانی پی ٹی آئی کی بہنوں کو اجازت دیں تاکہ اپنے بھائی کو دیکھ سکیں۔
سینیئر قانون دان کا کہنا تھا کہ بانی پی ٹی آئی پورے پاکستان کا لیڈر ہے لہٰذا بانی پی ٹی آئی کو فی الفور رہا کیا جائے، وفاقی حکومت جس نہج پر حالات کو لے گئی ہے وہ خطرناک ہے، دن بدن تشویش مزید بڑھتی جا رہی ہے۔
بابر اعوان نے کہا کہ نواز شریف کی خبریں 24 گھنٹے چلاتے تھے کہ طبیعت ناساز ہوگئی، نواز شریف کو ہر قسم کی سہولیات فراہم کی گئیں۔ میری ویڈیوز موجود ہیں کہ نواز شریف کے وقت ہم نے تمام سہولتیں فراہم کیں۔
انہوں نے کہا کہ بانی پی ٹی آئی کی صحت پر ہمیں تشویش ہے اور اگر بانی پی ٹی آئی کی صحت کے حوالے سے آپ نے رپورٹ پبلک نہ کی تو نتائج خطرناک ہوں گے، پہلے ہم کہتے تھے گولی کیوں چلائی اور اب ہم کہتے ہیں بیماری کیوں چھپائی؟ بشریٰ بی بی کو بھی اسپتال نہیں لایا گیا، اگر بانی پی ٹی آئی کو کچھ بھی ہوا تو فارم 47 کی حکومت ذمہ دار ہوگی۔
بابر اعوان نے کہا کہ بانی پی ٹی آئی کی بیماری کیوں چھپائی اس کا جواب پوری قوم کو چاہیے، بانی پی ٹی آئی کے بیٹوں کو بھی نہیں بتایا گیا کہ ان کے والد کا آپریشن ہو رہا، ہمارا مطالبہ ہے کہ فوری طور پر بانی پی ٹی آئی کے اپنے ڈاکٹرز کو جیل میں ملنے کی اجازت دی جائے اور جو بھی سرجری ہوئی ہے ہم جاننا چاہتے ہیں۔
مزید پڑھیںتشویش کی بات یہ کہ پمز اسپتال میں کوئی ریٹینا اسپیشلسٹ ہے ہی نہیں، وزیراعلیٰ کے پی
چیف جسٹس پاکستان سے ملاقات نہ ہونے پر پی ٹی آئی نے سپریم کورٹ کے باہر دھرنا دے دیا
اڈیالہ جیل کے باہر پی ٹی آئی دھرنا ختم، اسلام آباد ہائیکورٹ سے رجوع کا فیصلہ
انکا کہنا تھا کہ آپریشن کے بعد جیل کے اندر رہنا صحت کے لیے خطرناک ہے، جیل میں اگر کوئی اپنے خرچے پر علاج کروانا چاہے تو اس کو یہ حق حاصل ہوتا ہے، قیدی کی مرضی ہوتی ہے کہ جس بھی ڈاکٹر سے علاج کروانا چاہے کروائے، بیماری چھپانے کی وجہ بھی قوم کو بتائی جائے۔ اہم ترین بات یہ ہے کہ بیماری کی بات کیوں چھپائی۔
ڈاکٹر بابر اعوان نے کہا کہ بانی پی ٹی آئی پر کوئی ایسا مقدمہ نہیں ہے جس میں درخواست ضمانت موجود نہیں، چیف منسٹر جعلی وزیراعظم کو کہتا ہے کہ ملاقات کروائیں تو وہ کہتا ہے میں پوچھ کر بتاتا ہوں۔
پریس کانفرنس کرتے ہوئے چیئرمین پی ٹی آئی بیرسٹر گوہر کا کہنا تھا کہ خان صاحب کا تو انٹرنیشنل میڈیا میں بھی رپورٹ ہوا ہے، بانی پی ٹی آئی پر تو پوری دنیا کا کنسرن ہے۔
ہماری پریس کانفرنس کا ون پوائنٹ ایجنڈا بانی پی ٹی آئی سے ملاقات اور ان کی صحت ہے، گزشتہ 3 برس سے سیاسی چپکلش انتہا پر ہے اور اسکی بنیادی وجہ بانی پی ٹی آئی کا جیل میں ہونا ہے۔
بانی پی ٹی آئی کی صحت پر ہر پاکستانی سوچ رہا ہے، لوگ پریشان ہیں اور انکی فیملی بھی پریشان ہے۔ شوکت خان کے ڈاکٹرز کو بانی پی ٹی آئی کا معائنہ کرنے کی اجازت دی جائے، ڈاکٹر فیصل اور ڈاکٹر عاصم کو خان صاحب سے ملنے دیا جائے۔
ہمیں اور بانی پی ٹی آئی کی فیملی کو خان صاحب کی صحت اور علاج کے حوالے سے کچھ نہیں بتایا جا رہا۔
.
ذریعہ
ذریعہ: Express News
کلیدی لفظ: بابر اعوان نے کہا کہ کہ بانی پی ٹی آئی بانی پی ٹی آئی کی لایا گیا کا کہنا کی صحت
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا