اسرائیل دوسرے ممالک کو جنگ میں دھکیلنا چاہتا ہے، سید عباس عراقچی
اشاعت کی تاریخ: 30th, January 2026 GMT
یہ بات ایرانی وزیر خارجہ نے انقرہ میں اپنے ترک ہم منصب کیساتھ ملاقات و گفتگو کے بعد پریس کانفرنس سے خطاب میں کہی اسلام ٹائمز۔ ایرانی وزیر خارجہ سید عباس عراقچی نے آج انقرہ میں اپنے ترک ہم منصب ہاکان فیدان کے ساتھ ملاقات و گفتگو کی ہے۔ ایرانی خبررساں ایجنسی فارس نیوز کے مطابق، اس گفتگو کے بعد منعقدہ مشترکہ پریس کانفرنس سے خطاب میں سید عباس عراقچی نے اپنے ترکی کے دورے اور اپنے ترک ہم منصب کے ساتھ ملاقات و گفتگو پر خوشی کا اظہار کیا اور زور دیتے ہوئے کہا کہ ہماری اچھی اور مفید گفتگو ہوئی۔ انہوں نے کہا کہ ایران کے خلاف غاصب صیہونی ریجیم اسرائیل کی جارحیت اور جنوری کے واقعات (ہنگاموں) کے دوران بھی ترکی میں ہمارے دوست، نہ صرف ہمیشہ ہمارے حمایتی اور ساتھی رہے ہیں بلکہ ترک حکام نے قابل قدر اور اصولی موقف بھی اپنایا ہے، جس پر میں صدر، وزیر خارجہ اور دیگر ترک حکام کا شکریہ ادا کرتا ہوں۔ انہوں نے مزید کہا کہ اسرائیل دوسرے ممالک کو جنگ کی آگ میں دھکیل دینا چاہتا ہے، جبکہ ہم، ہر اس انیشی ایٹو کا خیرمقدم کرتے ہیں کہ جو خطے میں امن و استحکام کا باعث بننے کے ساتھ ساتھ تناؤ میں کمی لائے اور اسرائیل کی گھناؤنی سازشوں کا خاتمہ کرے!
.
ذریعہ
ذریعہ: Islam Times
کلیدی لفظ: اپنے ترک
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ