جہلم، نان فارمل اساتذہ ، طلبہ کیلئےAIپیشہ ورانہ تربیتی کورس کا افتتاح
اشاعت کی تاریخ: 30th, January 2026 GMT
جہلم:(نیوزڈیسک) ڈپٹی کمشنر جہلم میر رضا اوزگن نے نان فارمل اساتذہ اور طلبہ کے لیے مصنوعی ذہانت (AI) پر مشتمل پروفیشنل ٹریننگ کورس کا باقاعدہ افتتاح کر دیا۔
اس تقریب کا مقصد نوجوان نسل کو جدید ترین ٹیکنالوجی سے روشناس کروانا ہے تاکہ وہ خود کو بین الاقوامی مارکیٹ کے تقاضوں کے مطابق ڈھال سکیں۔
تقریب سے خطاب کرتے ہوئے ڈپٹی کمشنر میر رضا اوزگن نے کہا کہ انفارمیشن ٹیکنالوجی کے بغیر ترقی کا خواب ادھورا ہے۔ انہوں نے بتایا کہ یہ پروگرام آئی ٹی ایکسپرٹ سید علی عباس زیدی اور ڈی او لٹریسی میمونہ انجم کی زیرِ نگرانی ترتیب دیا گیا ہے، جو اساتذہ اور طلبہ کی پیشہ ورانہ صلاحیتوں میں اضافے کا باعث بنے گا۔
انہوں نے مزید کہا کہ جدید دنیا کے چیلنجز سے نمٹنے کے لیے آئی ٹی کی تعلیم ناگزیر ہو چکی ہے۔ ضلعی انتظامیہ ایسے تعلیمی منصوبوں کی مکمل سرپرستی کرے گی جو نوجوانوں کو روزگار کے بہتر مواقع فراہم کرنے اور جدید علوم سے آراستہ کرنے میں مددگار ثابت ہوں۔
.
ذریعہ
ذریعہ: Daily Mumtaz
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا