‘فیل دا تھرل’ آئی سی سی نے ٹی20 ورلڈ کپ کا آفیشل گانا جاری کردیا
اشاعت کی تاریخ: 30th, January 2026 GMT
انٹرنیشنل کرکٹ کونسل نے بھارت اور سری لنکا کی میزبانی میں ہونے والے ٹی20 ورلڈ کپ کا آرفیشل گانا جاری کردیا ہے۔
آئی سی سی ٹی20 ورلڈ کپ کا آفیشل گانا فیل دا تھرل (Feel the Thrill ) بھارتی گلوکار انیرودھ روی چندرنے گایا اور کمپوز کیا ہے۔
آئی سی سی نے بتایا کہ ٹی20 ورلڈ کپ کا یہ آفیشل گانا گلوبل شائقین کے لیے ٹورنامنٹ کا “سونک ہارٹ بیٹ” ہے جو ٹی20 کرکٹ کے جوش، جذبے اور ڈرامے کو ظاہر کرتا ہے۔
بیان میں کہا گیا کہ گانے کا مقصد شائقین کو جوڑنا اور کھیل کی عکاسی کرنا ہے۔
آئی سی سی کے سی ای او سنجوگ گپتا نے کہا کہ آئی سی سی کے بڑے ایونٹس عالمی ثقافتی جشن ہوتے ہیں جو طرز زندگی، تفریح، کمیونٹی اور تجرباتی تنوع کے بہترین امتزاج کو ایک دلکش کھیلوں کے مظاہرے کے ساتھ یکجا کرتے ہیں۔
انہوں نے کہا کہ ‘ٹی20 ورلڈ کپ اپنی نوعیت کا ایک منفرد، سنسنی خیز اور جذبات سے بھرپور ٹورنامنٹ ہے، جہاں کھلاڑیوں اور شائقین کے لیے ہر لمحہ زندگی بھر کی یادوں میں بدل جاتا ہے۔
سنجوگ گپتا نے کہا کہ ٹورنامنٹ کا آفیشل گانا اسی جذبے کو زندہ کرنے کی کوشش ہے، جو اپنی موسیقی کے ذریعے شائقین کو جوڑنے، تنوع کا جشن منانے اور ایونٹ کو دنیا بھر میں مشترکہ جشن میں تبدیل کرتا ہے جو ہمارے کھیل کا خاصہ ہے۔
گانے کے تخلیق کار انیرودھ رویچندر نے کہا کہ گانے ہر خوشی اور ہر لمحہ کرکٹ کے جذبات سے جڑا ہے، دنیا بھر کے مداحوں کو میدان میں ہونے والے مقابلے سے بالاتر ہو کو یکجا کرنے کی یہ ہماری کوشش ہے۔
https://www.facebook.com/reel/4447573632187782/
ٹی20 ورلڈ کپ 2026 بھارت اور سری لنکا میں 7 فروری سے 8 مارچ 2026 تک کھیلا جائے گا اور پاکستان اپنا پہلا میچ 7 فروری کو نیدرلینڈز کے خلاف کولمبو میں شیڈول ہے۔
ذریعہ
ذریعہ: Express News
کلیدی لفظ: ٹی20 ورلڈ کپ کا آفیشل گانا نے کہا کہ
پڑھیں:
گلاسگو کی فضاؤں میں دیو ہیکل ڈریگن کی پرواز، وائرل ویڈیوز نے سب کو دنگ کردیا
اگر آپ نے اب تک صرف فلموں اور ٹی وی سیریز میں آسمان پر اڑتے ہوئے ڈریگن دیکھے ہیں تو اسکاٹ لینڈ کے شہر گلاسگو میں حقیقت سے قریب ایک ایسا ہی حیرت انگیز منظر لوگوں کی آنکھوں کے سامنے آگیا۔ شہر کی فضاؤں میں ’’ہاؤس آف دی ڈریگن‘‘ کا مشہور ڈریگن سائریکس (Syrax) پرواز کرتا دکھائی دیا، جس نے دیکھنے والوں کو حیرت میں مبتلا کردیا۔
2026 کامن ویلتھ گیمز کی افتتاحی تقریب سے قبل گلاسگو کے دریائے کلائیڈ، ایس ای سی آرماڈیلو اور او وی او ہائیڈرو کے اوپر آٹھ میٹر طویل دیو ہیکل ڈریگن نے فضائی چکر لگائے۔ ایسا محسوس ہو رہا تھا جیسے مشہور فینٹسی سیریز کا منظر حقیقت میں تبدیل ہوگیا ہو۔
یہ فلائنگ ماڈل دراصل ’ایچ بی او‘ کی مقبول سیریز ’ہاؤس آف دی ڈریگن‘ میں رینیرا ٹارگرین کے ڈریگن سائریکس کی ہوبہو نقل ہے، جسے سیریز میں استعمال ہونے والے تھری ڈی اسکینز کی مدد سے انتہائی حقیقت پسندانہ انداز میں تیار کیا گیا۔
View this post on Instagramاس منفرد شاہکار کی تیاری میں 14 ماہرین نے مسلسل تین ماہ تک کام کیا اور تقریباً 3 ہزار گھنٹے صرف کیے۔ صرف 13 کلوگرام وزنی اس ڈریگن کو کاربن فائبر، ایلومینیم اور خصوصی فوم سے بنایا گیا، جبکہ اس کے پروں، سر اور دم سمیت 23 متحرک حصے اسے زندہ مخلوق جیسی حرکات کرنے کے قابل بناتے ہیں۔ اس کی ٹانگوں میں نصب جدید پروپلشن سسٹم نے اسے حقیقی پرواز ممکن بنانے میں اہم کردار ادا کیا۔
منتظمین کے مطابق یہ دنیا کا اپنی نوعیت کا سب سے بڑا اڑنے والا ڈریگن ماڈل ہے، جسے خاص طور پر گلاسگو 2026 کامن ویلتھ گیمز کے استقبال اور کھیلوں، جدید ٹیکنالوجی اور فینٹسی کی دنیا کو ایک ساتھ پیش کرنے کے لیے تیار کیا گیا۔
https://www.facebook.com/stvnews/videos/syrax-the-dragon-of-rhaenyra-targaryen-played-by-emma-darcy-has-been-spotted-fly/28747469711519864/واضح رہے کہ 23 جولائی سے شروع ہونے والے کامن ویلتھ گیمز کی تمام مقابلے برطانیہ اور آئرلینڈ میں ایچ بی او میکس پر براہِ راست نشر کیے جائیں گے، جبکہ نشریاتی کوریج ٹی این ٹی اسپورٹس فراہم کرے گا۔ منتظمین کا کہنا ہے کہ اس بار شائقین کو جدید ٹیکنالوجی، خصوصی چینلز اور کھیلوں کے ماہرین کی بڑی ٹیم کے ساتھ ایک منفرد اور پہلے سے مختلف نشریاتی تجربہ فراہم کیا جائے گا۔
https://www.facebook.com/stvnews/videos/did-you-see-a-dragon-flying-over-glasgowa-dragon-from-game-of-thrones-prequel-ho/2166414303916270/
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار