ڈھاکا: موبائل فون کی اونچی آواز پر جھگڑا، ماں بیٹی قتل، ملزم گرفتار
اشاعت کی تاریخ: 30th, January 2026 GMT
بنگلہ دیش کے ضلع منشی گنج میں پولیس نے ایک خاتون اور اس کی کمسن بیٹی کے قتل کا معمہ حل کرنے کا دعویٰ کیا ہے۔ پولیس کے مطابق واردات میں ملوث پڑوسی کو گرفتار کرلیا گیا ہے، جو مقتولہ کے ساتھ ہی کرائے کے مکان میں رہتا تھا۔
پولیس کے مطابق مقتولین کی شناخت 32 سالہ آمنہ بیگم اور ان کی 8 سالہ بیٹی مریم اختر کے طور پر ہوئی ہے۔ دونوں کی لاشیں 19 جنوری کو سراج دی خان کے راج نگر علاقے میں واقع ایک کرائے کے گھر سے برآمد ہوئی تھیں۔
یہ بھی پڑھیں: نصیبو لعل کا گانا اونچی آواز میں چلانے پر رکشہ ڈرائیور کے خلاف مقدمہ، ’سزا کیا ہوگی‘
جمعہ کو پریس بریفنگ کے دوران منشی گنج کے سپرنٹنڈنٹ آف پولیس محمد مہناز الاسلام نے بتایا کہ گرفتار ملزم محمد علی عمر 28 سال نے ابتدائی تفتیش میں جرم کا اعتراف کر لیا ہے۔ ملزم کو جمعرات کی رات غازیہ کے پکھیر موڑ علاقے سے گرفتار کیا گیا، جو واقعے کے بعد سے روپوش تھا۔
پولیس کے مطابق قتل کی وجہ مقتولہ کے کمرے سے آنے والی موبائل فون کی اونچی آواز اور بار بار شور شرابہ تھا، جس سے ملزم کو شدید کوفت ہوتی تھی۔ ملزم کا کہنا ہے کہ اونچی آواز میں ویڈیوز، موسیقی اور ماں بیٹی کے درمیان بحث اس کی نیند میں خلل ڈالتی تھی۔
پولیس کے مطابق 19 جنوری کی صبح تقریباً 7 بجے آمنہ بیگم موبائل فون پر اونچی آواز میں ویڈیوز دیکھ رہی تھیں، جس پر محمد علی بیدار ہو گیا اور ان کے کمرے میں جا کر آواز کم کرنے کو کہا۔ اس دوران تلخ کلامی ہوئی اور ملزم نے لکڑی کے ٹکڑے سے آمنہ بیگم کے سر پر وار کیا، جس سے وہ موقع پر ہی جان کی بازی ہار گئیں۔
یہ بھی پڑھیں: بنگلہ دیشی آل راؤنڈر شکیب الحسن قتل کے مقدمے میں نامزد، کھیل جاری رکھ سکیں گے؟
پولیس کے مطابق کمسن بچی مریم نے یہ منظر دیکھا اور اپنی ماں کی جان بخشنے کی درخواست کی، تاہم ملزم نے اسی لکڑی کے ٹکڑے سے بچی پر بھی وار کیے، جس کے نتیجے میں وہ بھی جانبر نہ ہو سکی۔
پولیس کا کہنا ہے کہ ملزم اکیلا رہتا تھا، منشیات استعمال کرتا تھا اور آوارہ گردی میں ملوث تھا۔ واردات کے بعد وہ گرفتاری سے بچنے کے لیے جگہ جگہ چھپتا رہا اور باغات اور اسکولوں کی برآمدوں میں راتیں گزارتا رہا۔
واقعے کے بعد آمنہ بیگم کی والدہ کی مدعیت میں سراج دی خان تھانے میں نامعلوم افراد کے خلاف قتل کا مقدمہ درج کیا گیا تھا۔ پولیس کے مطابق مزید قانونی کارروائی جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اونچی آواز بنگلہ دیش قتل گانا ماں بیٹی موبائل.
ذریعہ
ذریعہ: WE News
کلیدی لفظ: اونچی ا واز بنگلہ دیش قتل گانا ماں بیٹی پولیس کے مطابق اونچی آواز آمنہ بیگم
پڑھیں:
آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع
آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع WhatsAppFacebookX 0 23 July, 2026 سب نیوز
مظفرآباد (آئی پی ایس )آزاد کشمیر کے شہر میرپور میں موبائل فون اور انٹرنیٹ سروس بحال ہونا شروع ہوگئی ہے۔ تفصیلات کے مطابق آزاد کشمیر کے شہر میرپور اور اس کیگردونواح میں میں موبائل فون اور انٹرنیٹ سروسزبحال ہونا شروع ہوگئی ہے۔
ذرائع کا بتانا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا ہے۔ اس حوالے کچھ دیر قبل چیئرمین پیپلزپارٹی بلاول بھٹو نے اپنے ایک بیان میں کہاکہ اطلاعات ہیں کہ میرپور آزاد کشمیرمیں انٹرنیٹ اور ڈیجیٹل رابطہ جلد بحال کردیا جائیگا۔
ان کا کہنا تھا کہ امید ہے مظفرآباد اور دیگرعلاقوں کے حوالے سے ہماری درخواستیں بھی جلد منظور کرلی جائیں گی۔ واضح رہے میرپور آزادکشمیر میں گزشتہ 45 دن سے انٹرنیٹ سروس معطل تھی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرامریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی اگلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا