کوئٹہ: سریاب میں سی ٹی ڈی کی کارروائی، فائرنگ کے تبادلے میں 4 مبینہ دہشت گرد ہلاک
اشاعت کی تاریخ: 31st, January 2026 GMT
کوئٹہ کے علاقے سریاب میں کاؤنٹر ٹیررازم ڈیپارٹمنٹ (سی ٹی ڈی) نے ایک کارروائی کے دوران چار مبینہ دہشت گردوں کو ہلاک کر دیا۔ یہ کارروائی خفیہ اطلاع پر کی گئی، جس کے دوران علاقے میں شدید فائرنگ کا تبادلہ ہوا۔
سی ٹی ڈی کے ترجمان کے مطابق کارروائی کے دوران دہشت گردوں کے زیرِ استعمال ایک کمپاؤنڈ کو گھیرے میں لیا گیا، جہاں مسلح افراد نے قانون نافذ کرنے والے اہلکاروں پر فائرنگ کی۔ جوابی کارروائی کے بعد کمپاؤنڈ کو کلیئر کر دیا گیا۔
ترجمان کا کہنا ہے کہ کارروائی کے بعد کمپاؤنڈ سے اسلحہ، دستی بم اور کالعدم تنظیم سے تعلق رکھنے والا لٹریچر برآمد ہوا ہے۔ سکیورٹی حکام کے مطابق برآمد شدہ مواد سے تحقیقات کا دائرہ مزید وسیع کیا جا رہا ہے۔
سی ٹی ڈی حکام نے بتایا کہ علاقے کو مکمل طور پر محفوظ بنا لیا گیا ہے جبکہ واقعے سے متعلق مزید قانونی کارروائی اور تفتیش جاری ہے۔ حکام کے مطابق دہشت گردی کے خلاف کارروائیاں عوام کے تحفظ اور امن و امان کے قیام تک جاری رہیں گی۔
ذریعہ
ذریعہ: Daily Mumtaz
کلیدی لفظ: کارروائی کے سی ٹی ڈی
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ