پاک ترک اعلیٰ عسکری قیادت کی اہم ملاقات، خطے کی سیکورٹی صورتحال پر مشارورت
اشاعت کی تاریخ: 31st, January 2026 GMT
آرمی چیف اور چیف آف ڈیفنس فورسز فیلڈ مارشل سید عاصم منیر سے ترک مسلح افواج کے چیف آف جنرل اسٹاف جنرل سلجوق بیرقدار اوغلو نے جنرل ہیڈکوارٹرز میں ملاقات کی، جس میں پاکستان اور ترکیہ کے درمیان دفاعی اور عسکری تعاون کو مزید فروغ دینے پر اتفاق کیا گیا۔
نجی ٹی وی کے مطابق اس ملاقات کو دونوں برادر ممالک کے دیرینہ تعلقات کے تسلسل میں ایک اہم پیش رفت قرار دیا جا رہا ہے، جس کا مقصد خطے میں بدلتی ہوئی سیکورٹی صورتحال کے تناظر میں قریبی رابطہ کاری کو مضبوط بنانا ہے۔
آئی ایس پی آر کے مطابق جنرل ہیڈکوارٹرز پہنچنے پر ترک چیف آف جنرل اسٹاف کو مسلح افواج کے چاق و چوبند دستے نے گارڈ آف آنر پیش کیا۔
ملاقات کے دوران باہمی دلچسپی کے امور، خطے کی مجموعی سیکورٹی صورتحال اور عالمی سطح پر درپیش چیلنجز پر تفصیلی تبادلہ خیال کیا گیا۔ دونوں عسکری قیادتوں نے اس بات پر اتفاق کیا کہ پاکستان اور ترکیہ کے درمیان دفاعی تعاون کو نئی جہتوں میں وسعت دینے کی گنجائش موجود ہے۔
فیلڈ مارشل عاصم منیر نے اس موقع پر ترک مسلح افواج کی جانب سے پاکستان کے لیے مسلسل حمایت اور تعاون کو سراہا۔ انہوں نے کہا کہ پاکستان اور ترکیہ کے تعلقات مشترکہ تاریخ، باہمی اعتماد اور عوامی سطح پر گہرے روابط پر مبنی ہیں، جو دونوں ممالک کے دفاعی تعاون کو مزید مستحکم بناتے ہیں۔
انہوں نے کہا کہ تربیت، مشترکہ مشقوں اور دفاعی استعداد کار بڑھانے کے شعبوں میں تعاون دونوں ممالک کے مفاد میں ہے۔
ترک چیف آف جنرل اسٹاف جنرل سلجوق بیرقدار اوغلو نے پرتپاک استقبال پر شکریہ ادا کرتے ہوئے پاکستان مسلح افواج کی پیشہ ورانہ مہارت، نظم و ضبط اور آپریشنل صلاحیتوں کی تعریف کی۔ انہوں نے اس عزم کا اظہار کیا کہ ترکیہ پاکستان کے ساتھ دفاعی تعاون کو مزید گہرا کرنے، مشترکہ تربیتی پروگرامز اور عسکری مشقوں کے ذریعے تعلقات کو عملی شکل دینے کا خواہاں ہے۔
دریں اثنا اپنے دورے کے دوران ترک چیف آف جنرل اسٹاف نے وزیر دفاع خواجہ محمد آصف سے بھی ملاقات کی، جس میں پاکستان اور ترکیہ کے تاریخی، دوستانہ اور برادرانہ تعلقات کا اعادہ کیا گیا۔ فریقین نے خطے میں امن و استحکام کے فروغ کے لیے مشترکہ کاوشوں پر زور دیا اور اس بات پر اتفاق کیا کہ باہمی مشاورت اور تعاون کے ذریعے اجتماعی سلامتی کو فروغ دیا جا سکتا ہے۔
ترک وفد نے افغانستان سمیت خطے میں پائیدار امن کے لیے ترکیہ کے عزم کا اظہار کیا اور تنازعات کے حل کے لیے سفارتی ذرائع اور مشترکہ حکمت عملی کو اہم قرار دیا۔ اس ملاقات کو پاک ترک دفاعی تعلقات کے ایک اور مضبوط باب کے طور پر دیکھا جا رہا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل پاکستان اور ترکیہ کے چیف آف جنرل اسٹاف مسلح افواج تعاون کو کے لیے
پڑھیں:
چلاس: پی ٹی آئی کے مرکزی جنرل سیکریٹری سلمان اکرم راجا کو دیامر میں روک لیا گیا
فائل فوٹوپاکستان تحریک انصاف (پی ٹی آئی) کے مرکزی جنرل سیکریٹری سلمان اکرم راجا کو دیامر میں روک لیا گیا۔
پولیس کا کہنا ہے کہ سلمان اکرم راجا، شوکت بسرا، ضیاء الدین قریشی و دیگر کو واپس روانہ کردیا گیا۔
پی ٹی آئی رہنما سلمان اکرم راجہ کو الیکشن مہم کے سلسلے میں گلگت بلتستان جاتے ہوئے دیامر میں روکا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ