پنجاب اسمبلی: اقلیتی نمائندوں کے براہ راست انتخاب کیلئے قرارداد جمع
اشاعت کی تاریخ: 31st, January 2026 GMT
لاہور:
پنجاب اسمبلی میں اقلیتیوں کو اپنے نمائندگان براہ راست منتخب کرنے کیلئے قرارداد جمع کرادی گئی۔
پنجاب اسمبلی میں مسلم لیگ (ن) کے اقلیتی ارکان آئندہ عام انتخابات میں اپنے نمائندے مخصوص نشستوں کے بجائے براہ راست منتخب کروانے کیلئے قانون سازی پر متحد ہوگئے ہیں۔ ارکان اسمبلی نے مطالبہ کیا ہے کہ پنجاب میں بسنے والی تمام اقلیتوں کو اپنے نمائندوں کے انتخاب کیلئے جداگانہ انتخاب یا دوہرے ووٹ کا حق دیا جائے۔
حکومتی چیئرمین اسٹینڈنگ کمیٹی برائے اقلیتی امور کرسٹوفر فیلبوس نے پنجاب اسمبلی میں اقلیتیوں کے انتخابات کیلئے قرارداد جمع کرادی جس میں مطالبہ کیا گیا ہے کہ اقلیتی ارکان اسمبلی کو مخصوص نشستوں کے بجائے براہ راست انتخابات کے ذریعے منتخب کیا جائے۔
اقلیتی ارکان کا موقف ہے کہ مخصوص نشستوں سے انتخاب کے باعث ارکان اسمبلی اپنا سیاسی کردار ادا نہیں کرسکتے، ملک میں چھبیسویں اور ستائیسویں جیسی اہم ترامیم منظور کی گئیں لیکن مخصوص نشست پر ہونے کے باعث کسی اقلیتی رکن سے مشورہ نہیں کیا گیا۔
قرارداد میں مطالبہ کیا گیا ہے کہ پاکستان کی تمام اقلیتیوں کو جداگانہ یا دوہرے ووٹ کا حق دیا جائے تاکہ اقلیتیں اپنے حقیقی نمائندے منتخب کرسکیں، حکومتی چیئرمین کی جانب سے جمع کروائی گئی قرارداد پر ایوان میں تمام ارکان اسمبلی متحد ہوگئے۔
.
ذریعہ
ذریعہ: Express News
کلیدی لفظ: پنجاب اسمبلی ارکان اسمبلی براہ راست
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار