کراچی اس وقت سب سے زیادہ غیر محفوظ ہے: امیر جماعت اسلامی
اشاعت کی تاریخ: 31st, January 2026 GMT
منعم ظفر خان — فائل فوٹو
امیرِ جماعتِ اسلامی کراچی منعم ظفر خان نے کہا ہے کہ شہرِ کراچی اس وقت سب سے زیادہ غیر محفوظ ہے، ایک کے بعد دوسرا سانحہ ہو رہا ہے، کل بھی شہر میں 17 سے 18 جنازہ اٹھائے گئے۔
کراچی میں پریس کانفرنس سے گفتگو کرتے ہوئے امیرِ جماعتِ اسلامی نے کہا کہ 2 ہفتے گزرنے کے باوجود گل پلازا کے شہداء کی باقیات ورثاء کے حوالے نہیں کی گئیں، جبکہ بتایا یہ گیا کہ 87 افراد اس حادثے میں جاں بحق ہوئے ہیں۔
ان کا کہنا ہے کہ سانحے سے پیپلز پارٹی کی کرپشن اور بے انتظامی کھل کر سامنے آ گئی ہے، ان کے زیرِ انتظام چلنے والے سارے محکمے ایسی تصویر پیش کر رہے ہیں کہ شاید ان کے پاس کچھ نہیں۔
امیرِ جماعتِ اسلامی کراچی نے کہا کہ آگ بجھانے والے ادارے کے پاس آگ سے بچاؤ کا لباس نہیں ہے، ریسکیو 1122 کے پاس بھی آلات موجودہ نہیں تھے، سول ڈیفنس، پی ڈی ایم اے سب محکمے تباہ ہیں۔
انہوں نے کہا کہ میئر کراچی اور وزیرِ اعلیٰ اخلاقی جرأت کا مظاہرہ کر کے مستعفی ہو جاتے، آپ کی پارٹی کا ہی کوئی دوسرا آ جاتا۔
منعم ظفر خان نے یہ بھی کہا کہ سندھ حکومت اربوں روپے کے کاغذی پیکجز کے اعلانات کر رہی ہے، بتایا گیا کہ کے ایم سی 46 ارب روپے کے ترقیاتی کام کرے گی۔
.
ذریعہ
ذریعہ: Jang News
پڑھیں:
سعودی عرب ابراہام معاہدوں میں شامل ہوا تو یہ تاریخی پیش رفت ہوگی؛ اسرائیلی وزیراعظم
امریکی صدر ڈونلڈ ٹرمپ نے سعودی عرب کے ساتھ جوہری معاہدے کے لیے اسرائیل سے تعلقات کی بحالی سے مشروط کردیا۔
عالمی خبر رساں ادارے کے مطابق اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہام معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک ’’تاریخی جست‘‘ ثابت ہوگی۔
نیتن یاہو نے اپنے بیان میں مزید کہا کہ سعودی عرب کی ابراہام معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام اور تعاون کے امکانات بھی بڑھ جائیں گے۔
خیال رہے کہ اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے سول جوہری پروگرام کو اسرائیل سے تعلقات معمول پر لانے سے مشروط کرنے کے بعد سامنے آیا ہے۔
کچھ دیر قبل ہی امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی منظوری اس وقت تک نہیں دی جائے گی جب تک سعودیہ ابراہام معاہدوں میں شامل نہیں ہوجاتا۔
صدر ڈونلڈ ٹرمپ نے اپنی پوسٹ میں یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیم افزودگی کی اجازت نہیں دی جائے گی۔
یاد ہے کہ ایک روز قبل جب جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب کے اسرائیل سے تعلقات معمول پر لانے کی شرط سے نہیں جوڑا تھا تاہم بعد میں انھوں نے واضح کیا کہ دونوں معاملات ایک دوسرے سے منسلک ہیں۔
ادھر سعودی حکومت نے تاحال صدر ٹرمپ کے تازہ بیان پر کوئی باضابطہ ردعمل نہیں دیا تاہم ریاض متعدد مواقع پر واضح کرچکا ہے کہ وہ اس وقت تک اسرائیل کو تسلیم نہیں کرے گا جب تک فلسطینی ریاست کے قیام کے لیے قابلِ عمل اور واضح راستہ موجود نہ ہو۔
سعودی عرب کا مؤقف رہا ہے کہ 1967 کی سرحدوں کی بنیاد پر آزاد فلسطینی ریاست کا قیام، مشرقی یروشلم کو اس کا دارالحکومت بنانا اور فلسطینی عوام کے جائز حقوق کا تحفظ اسرائیل سے تعلقات کی بحالی کے لیے بنیادی شرائط ہیں۔
ابراہام معاہدے کیا ہیں؟
ابراہام معاہدے 2020 میں امریکی ثالثی کے تحت طے پائے تھے جن کے نتیجے میں متحدہ عرب امارات، بحرین، سوڈان اور مراکش نے اسرائیل کے ساتھ سفارتی تعلقات قائم کیے۔ بعد ازاں قازقستان نے بھی معاہدے کی حمایت کا اعلان کیا تاہم سعودی عرب اب تک اس کا حصہ نہیں بنا۔
ان معاہدوں کا مقصد اسرائیل کے عرب و مسلم ممالک کے ساتھ سفارتی، اقتصادی اور سکیورٹی تعاون کو فروغ دینا تھا لیکن غزہ جنگ اور فلسطینی مسئلے کے باعث سعودی عرب نے اسرائیل کے ساتھ تعلقات معمول پر لانے کا عمل روک رکھا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار