ٹی ٹوئنٹی ورلڈکپ: آسٹریلوی اسکواڈ میں اہم تبدیلیاں، پیٹ کمنز ورلڈ کپ سے باہر
اشاعت کی تاریخ: 31st, January 2026 GMT
آسٹریلوی کرکٹ ٹیم کو ٹی ٹوئنٹی ورلڈکپ سے قبل بڑا دھچکا لگا ہے کیونکہ اسٹار فاسٹ بولر پیٹ کمنز انجری کے باعث ورلڈ کپ سے دستبردار ہو گئے ہیں۔
ذرائع کے مطابق آسٹریلیا نے اپنے 15 رکنی اسکواڈ میں دو اہم تبدیلیاں کی ہیں۔ اوپننگ بیٹر میتھیو شارٹ کو بھی ابتدائی اسکواڈ سے خارج کر دیا گیا ہے۔
ان کی جگہ بائیں ہاتھ کے فاسٹ بولر بین ڈوارشیئس اور بیٹر میتھیو رینشا کو شامل کیا گیا ہے۔ چیف سلیکٹر کے مطابق بین ڈوارشیئس اپنی تیز رفتار گیند بازی، بہترین فیلڈنگ اور آخری اوورز میں بیٹنگ کی صلاحیت کی وجہ سے ٹیم کے لیے اہم متبادل ثابت ہوں گے، جبکہ ایشیائی کنڈیشنز میں ان کی سوئنگ اور رفتار خاص فائدہ مند ہو سکتی ہے۔
میتھیو رینشا کے بارے میں بتایا گیا ہے کہ انہوں نے حالیہ عرصے میں تمام فارمیٹس میں متاثر کن کارکردگی دکھائی ہے اور سری لنکا کی متوقع اسپن کنڈیشنز میں مڈل آرڈر میں اضافی استحکام فراہم کریں گے۔
یہ تبدیلیاں آسٹریلوی ٹیم کے لیے ورلڈ کپ کی تیاری کو مضبوط کرنے کی کوشش کے طور پر دیکھی جا رہی ہیں۔
ذریعہ
ذریعہ: Daily Mumtaz
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی