وزیر اعلیٰ خیبر پختونخوا:اپنے قائد سے ملاقات سے محروم ہونا شرمناک ہے
اشاعت کی تاریخ: 31st, January 2026 GMT
وزیر اعلیٰ خیبر پختونخوا سہیل افریدی نے کہا ہے کہ انہیں اپنے قائد، عمران خان، سے ملاقات کی اجازت نہ دینا انتہائی افسوسناک اور شرمناک ہے۔
کے پی ہاؤس اسلام آباد میں پاکستان تحریک انصاف کے مرکزی ڈپٹی سیکرٹری اطلاعات شوکت یوسفزئی سے گفتگو کرتے ہوئے سہیل افریدی نے بتایا کہ وہ صوبے کے ساڑھے چار کروڑ عوام کے منتخب وزیراعلیٰ ہونے کے باوجود اڈیالہ جیل کے باہر کئی گھنٹے انتظار پر مجبور کیے جاتے ہیں۔ انہوں نے کہا کہ عمران خان کی صحت پر پوری قوم تشویش میں مبتلا ہے اور عوام جاننا چاہتے ہیں کہ ان کی موجودہ حالت کیا ہے۔ عمران خان اور ان کے اہل خانہ سے ملاقات کی اجازت نہ دینا نہ صرف غیر انسانی ہے بلکہ انسانی حقوق کی سنگین خلاف ورزی بھی ہے۔
وزیر اعلیٰ نے موجودہ حکومت پر تنقید کرتے ہوئے کہا کہ ملک نہ چل رہا، عدلیہ اور تمام ادارے مفلوج ہیں، مہنگائی اور بے روزگاری میں اضافہ ہو رہا ہے، اور وفاق کی غلط پالیسیوں کی وجہ سے عوام شدید مشکلات کا شکار ہیں۔ انہوں نے کہا کہ وفاق خیبر پختونخوا کے بقایا جات کی ادائیگی نہیں کر رہا، جس کی وجہ سے صوبے کی ترقی متاثر ہو رہی ہے۔
سہیل افریدی نے مزید کہا کہ ملک میں جمہوریت اور آئین کو بے بس کر دیا گیا ہے، تاہم صوبے میں ترقی کا عمل جاری ہے اور آئین و جمہوریت کی بحالی کے لیے پرامن سیاسی جدوجہد جاری رکھیں گے۔
اس موقع پر شوکت یوسفزئی نے کہا کہ حکومت عوام سے خوفزدہ ہے اور عمران خان کو تنہائی میں رکھنا نہ صرف جیل مینوئل کی خلاف ورزی ہے بلکہ انسانی حقوق کی بھی سنگین خلاف ورزی ہے۔ انہوں نے سوال اٹھایا کہ عمران خان کو رات کے اندھیرے میں اسپتال منتقل کرنے کے عمل کو خفیہ کیوں رکھا گیا اور کیوں ان کی فیملی کو پیشگی اطلاع نہیں دی گئی۔
شوکت یوسفزئی نے مطالبہ کیا کہ عمران خان کے معالجین، ان کی فیملی، وزیراعلیٰ خیبر پختونخوا اور وکلا کو فوری ملاقات کی اجازت دی جائے تاکہ قوم کو مکمل آگاہی اور یقین دہانی فراہم کی جا سکے۔
ملاقات کے دوران پی ٹی آئی رہنماؤں نے 8 فروری کے ممکنہ پرامن احتجاج، عمران خان کی صحت اور حکومتی رویے کے ساتھ قومی و صوبائی امور پر بھی تفصیلی تبادلہ خیال کیا۔ اس موقع پر صوبائی مشیر اطلاعات شفیع جان بھی موجود تھے۔
ذریعہ
ذریعہ: Daily Mumtaz
کلیدی لفظ: خیبر پختونخوا نے کہا کہا کہ
پڑھیں:
بانی پی ٹی آئی نے مجھے وزیر اعلی نامزد کیا کوئی طاقت مجھے نہیں ہٹا سکتی;سہیل آفریدی
سٹی 42:وزیر اعلیٰ کے پی کے نے کہا بانی پی ٹی آئی نے جیل سے وزیر اعلی کی تبدیلی کا فیصلہ کیا تھا،بانی پی ٹی آئی نے مجھے وزیر اعلی نامزد کیا کوئی طاقت مجھے نہیں ہٹا سکتی۔جب تک اڈیالہ جیل سے پیغام نہیں آتا میں ہی وزیر اعلی رہوں گا،کے پی کے کی حکومت کو بانی پی ٹی آئی کے علاوہ کوئی ختم نہیں کرسکتا
وزیر اعلی خیبرپختونخوا سہیل آفریدی نے فیکٹری ناکہ پر میڈیا ٹاک کرتے ہوئے کہا بانی پی ٹی آئی نے جیل سے وزیر اعلی کی تبدیلی کا فیصلہ کیا تھا،بانی پی ٹی آئی نے مجھے وزیر اعلی نامزد کیا کوئی طاقت مجھے نہیں ہٹا سکتی۔جب تک اڈیالہ جیل سے پیغام نہیں آتا میں ہی وزیر اعلی رہوں گا،کے پی کے کی حکومت کو بانی پی ٹی آئی کے علاوہ کوئی ختم نہیں کرسکتا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
انہوں نے کہا ہمارے تمام ایم پی ایز تحریک انصاف کے جھنڈے تلے متحد ہیں،آنے والے بجٹ میں ایک بار پھر عوام کا خون چوسا جائے گا ۔ستانوے ہزار ارب روپے تک پاکستان کے اندرونی اور بیرونی قرضے پہنچ چکے ہیں ۔ٹیکس وصولی کے حدف سے کم ٹیکس وصول ہوا ہے ۔پہلے 5 کو بجٹ پیش کرنا تھا اب 10 کو پیش کریں گے ۔کچھ لے دے کر یہ لوگ بجٹ کو پاس کر دے گے۔بجٹ کا سارا بوجھ عوام پر پڑنے والا ہے ۔تمام صحافیوں، سوشل میڈیا کے نمائندوں سے گزارش ہے آپ نے اس مہینے صرف بجٹ پر بات کرنی ہے
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
آپ نے دنیا کو بتانا ہے کہ پاکستان کے قرضے ستانوے ہزار ارب روپے تک پہنچ چکے ہیں ۔ہمارا تجارتی خسارہ دن بدن بڑھتا جارہا ہے ۔ہمارا کاروباری طبقہ انڈسٹری بند کر کے اپنی انویسٹمنٹ باہر لے کر جاریا ہے ۔ہمارا کسان ایگریکلچر میں تباہ حال ہیں ۔مہنگائی دن بدن بڑھتی جارہی ہے پیٹرول کی قیمت بڑھتی جارہی ہے۔ان کے پاس نہ کوئی فارن پالیسی ہے نہ کوئی اکنامک نہ کوئی انٹیریر پالیسی ہے ۔کے پی کے حکومت نے اپنی کابینہ سے متوازن بجٹ پاس کروالیا ہے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
ہم نے عوام دوست بجٹ دینا ہے جو عوام کا حق ہے ۔بانی پی ٹی آئی کے ویژن کے مطابق ہمارا فوکس صحت، تعلیم، یوتھ ، زراعت اور فارسٹ پر ہے ۔اس بجٹ میں مینارٹی کے لیے بہت کچھ لے کر آرہے ہیں ۔وفاقی بجٹ کا اثر کے پی کے سمیت پورے پاکستان پر پڑے گا۔بانی پی ٹی آئی کو غیر آئینی طریقے سے ائسولیٹ کیا ہوا ہے ۔ہمارا یہاں آنے کا مقصد ایک ہی ہے کہ بانی کو الشفاء انٹرنیشنل اسپتال منتقل کیا جائے ۔ان کی فیملی اور ذاتی ڈاکٹر کی موجودگی میں ان کا علاج کیا جائے ۔
آزاد کشمیر:تعلیمی اداروں میں گرمیوں کی چھٹیوں کا اعلان
بانی کی فیملی کو ملاقات نہیں کرنے دیں رہے اس کا مطلب یہ کچھ کرنا چارہے ہے ۔اگر یہ کہہ رہے ہیں کہ بانی کا بہترین علاج کررہے ہیں تو فیملی کو کیوں ملنے نہیں دے رہے ۔ہم پچھلی بار ملنے آئے تو انہوں نے کشمیر ہائی وے پر روکا اور 11 گھنٹے تک عوام کو اذیت میں ڈالا ۔فیملی تو غیر سیاسی ہے مل کر بتا دیں گی کہ بانی کی طبیعت کیسی ہے،
وزیر اعلیٰ کے پی سہیل آفریدی نے بجٹ پاس کرنے کی بات کی تو علیمہ خان نے اسے ٹوک دیا۔علیمہ خان نے سہیل آفریدی خیبرپختونخوا کا بجٹ پاس کرنے پر تنبیہہ کرتے ہوئے کہا آپ بجٹ پاس کیوں کر رہے ہیں ۔ ان سے کہیں پہلے میری ملاقات کرائیں ۔ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
آپ آج بھی ان سے کہیں بجٹ سے پہلے بانی سے ملاقات کرائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ