لاہور: ڈاکوؤں نے چاندی فروخت کرنیوالے شہری سے کروڑوں روپے لوٹ لیے
اشاعت کی تاریخ: 31st, January 2026 GMT
---فائل فوٹو
لاہور کے علاقے شیرا کوٹ میں ڈاکوؤں نے چاندی فروخت کر کے جانے والے شہری کو لوٹ لیا۔
پولیس کے مطابق ڈاکوؤں نے مزاحمت پر شہری کو فائرنگ کر کے زخمی کر دیا اور کروڑوں روپے لوٹ کر فرار ہو گئے، ڈکیتی کے واقعے کا مقدمہ درج کر لیا گیا ہے۔
مدعیٔ مقدمہ کا کہنا ہے کہ 20 ہزار 22 تولے چاندی فروخت کر کے آ رہا تھا کہ ڈاکوؤں نے لوٹ لیا، ڈاکو 2 بیگز میں رکھے 2 کروڑ 17 لاکھ 55 ہزار روپے لوٹ کر لے گئے۔
متاثرہ شہری کے مطابق دورانِ مزاحمت ڈاکووں نے فائرنگ کر دی جس کے نتیجے میں ہاتھ اور ٹانگ پر گولی لگی ہے۔
.
ذریعہ
ذریعہ: Jang News
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار