سندھ: بدنام زمانہ تین کچے کے ڈاکو ہتھیار ڈال کر پولیس کے حوالے
اشاعت کی تاریخ: 31st, January 2026 GMT
سندھ پولیس کی جاری کارروائیوں اور سندھ حکومت کی سرینڈر پالیسی کے تحت بدنام زمانہ کچے کے تین ڈاکوؤں نے خود کو پولیس کے حوالے کر دیا۔
سکھر کے علاقے بیلو باگرجی کے رہائشی قلندر بخش جتوئی، بشیر جتوئی اور شفیق جتوئی نے پولیس کے سامنے ہتھیار ڈال دیے۔ یہ ملزمان سنگین نوعیت کے کئی مقدمات میں مطلوب تھے۔
واضح رہے کہ گزشتہ روز سندھ اور پنجاب فورسز کے مشترکہ آپریشن میں کچے کے علاقوں میں 8 ڈاکو ہلاک اور 15 زخمی ہوئے تھے۔ جاری سرحدی کچے کے آپریشن نے ڈاکوؤں کی ہمت توڑ دی ہے اور خوفزدہ ملزمان خود سرنڈر کر رہے ہیں۔
ایک روز قبل بھی شر، لوند، انڈھڑ اور کوش گینگ سمیت مختلف جرائم پیشہ گروپوں کے 180 سے زائد ڈاکوؤں نے ہتھیار ڈالے تھے، جو سرینڈر پالیسی کی کامیابی کی ایک اور مثال ہے۔
ذریعہ
ذریعہ: Daily Mumtaz
کلیدی لفظ: کچے کے
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی