میگا مالیاتی اسکینڈل: ڈائریکٹر جنرل راولپنڈی ڈویلپمنٹ اتھارٹی ہٹا دی گئی، کمشنر عامر خٹک کو اضافی چارج
اشاعت کی تاریخ: 31st, January 2026 GMT
راولپنڈی ڈویلپمنٹ اتھارٹی (آر ڈی اے) کے میگا مالیاتی اسکینڈل کے بعد چیف سیکرٹری پنجاب زاہد اختر زمان نے ڈائریکٹر جنرل کنزہ مرتضی کو عہدے سے ہٹا دیا ہے۔ کمشنر راولپنڈی عامر خٹک کو آر ڈی اے کا اضافی چارج سونپ دیا گیا ہے۔
نوٹیفکیشن کے مطابق کنزہ مرتضی کو اب ڈائریکٹر جنرل بارانی ایریا ڈویلپمنٹ ایجنسی آباد تعینات کر دیا گیا ہے۔
کنزہ مرتضی کے دور میں آر ڈی اے کی تاریخ کا دو ارب روپے سے زائد کا میگا مالیاتی اسکینڈل سامنے آیا۔ نیب نے ڈی جی آر ڈی اے کنزہ مرتضی، سات سابقہ ڈی جی اور دیگر افسران سمیت 48 افراد کی جائیدادوں کی تفصیلات لاہور، کراچی، ملیر، گوادر، راولپنڈی ڈویلپمنٹ اتھارٹی اور سی ڈی اے سے طلب کر رکھی ہیں۔
چیف سیکرٹری کی قائم فیکٹ فائنڈنگ کمیٹی کی رپورٹ ابھی تک سامنے نہیں آئی۔
نیب کے مطابق آر ڈی اے کے مالیاتی اسکینڈل میں اہم پیش رفت ہو چکی ہے، دو افراد جیل جا چکے ہیں جبکہ ایک نے پلی بارگین کر لی ہے۔ تحقیقات کے دوران معلوم ہوا کہ آر ڈی اے کے آفیشل اکاؤنٹ سے دو ارب روپے سے زائد رقم سی ڈی آر کے ذریعے منتقل کی گئی، جبکہ کنٹریکٹر سیکورٹی ڈپازٹ اکاؤنٹ سے بھی دیگر اکاؤنٹس میں رقوم ٹرانسفر کی گئی ہیں۔
اس وقت راولپنڈی ڈویلپمنٹ اتھارٹی کے کنٹرول والے علاقے میں 143 غیر قانونی ہاؤسنگ اسکیمیں فعال ہیں۔
ذریعہ
ذریعہ: Daily Mumtaz
کلیدی لفظ: راولپنڈی ڈویلپمنٹ اتھارٹی مالیاتی اسکینڈل ا ر ڈی اے
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا