شگر میں گاڑی کو حادثہ، تین افراد جاں بحق
اشاعت کی تاریخ: 31st, January 2026 GMT
مقامی انتظامیہ کے مطابق برفباری کے باعث سڑک پر پھسلن کی وجہ سے ٹیوٹا وٹز گاڑی کھائی میں جا گری جس میں سوار تین افراد موقع پر ہی جاں بحق ہو گئے۔ اسلام ٹائمز۔ گلگت بلتستان کے ضلع شگر میں لمسہ پڑی کے مقام پر گاڑی کو حادثہ پیش آنے سے تین افراد جاں بحق ہو گئے۔ مقامی انتظامیہ کے مطابق برفباری کے باعث سڑک پر پھسلن کی وجہ سے ٹیوٹا وٹز گاڑی کھائی میں جا گری جس میں سوار تین افراد موقع پر ہی جاں بحق ہو گئے۔ پولیس اور ریسکیو اہلکار جائے وقوعہ پر ریسکیو آپریشن میں مصروف ہیں اور لاشوں کو کھائی سے نکالا جا رہا ہے۔ ادھر ضلعی پولیس شگر نے عوام سے اپیل کی ہے کہ برفباری کے دوران غیر ضروری سفر سے گریز کریں اور دوران سفر انتہائی احتیاطی تدابیر اختیار کریں۔
.
ذریعہ
ذریعہ: Islam Times
کلیدی لفظ: تین افراد
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار