ہفتے کے روز ملک کے کن حصوں میں بارشیں اور برفباری متوقع ہے؟ محکمہ موسمیات نے بتا دیا
اشاعت کی تاریخ: 31st, January 2026 GMT
محکمہ موسمیات کے مطابق آئندہ 12 گھنٹوں کے دوران ملک کے بیشتر حصوں میں موسم سرد اور خشک جبکہ بعض علاقوں میں مطلع جزوی ابرآلود رہنے کی توقع ہے، تاہم پہاڑی علاقوں میں شدید سردی کا امکان ہے۔
محکمہ موسمیات کا کہنا ہے کہ وفاقی دارالحکومت اسلام آباد اور گردونواح میں موسم سرد اور مطلع جزوی ابرآلود رہے گا۔ پنجاب بھر میں موسم سرد اور خشک رہنے کی پیشگوئی کی گئی ہے، جبکہ مری اور گلیات میں موسم سرد اور مطلع جزوی ابرآلود رہنے کا امکان ہے۔ اس کے علاوہ نارووال، شیخوپورہ اور اوکاڑہ میں ہلکی دھند پڑنے کی توقع ظاہر کی گئی ہے۔
یہ بھی پڑھیے: ہلکی بارش اور برفباری کا امکان، موسمی صورتحال سے متعلق ایڈوائزری جاری
سندھ کے بیشتر اضلاع میں موسم سرد اور خشک رہنے کا امکان ہے۔ بلوچستان کے حوالے سے بتایا گیا ہے کہ صوبے کے بیشتر علاقوں میں موسم سرد اور مطلع جزوی ابرآلود رہے گا، جبکہ کوئٹہ، زیارت، چمن، پشین، چاغی اور گوادر میں ہلکی بارش اور بالائی علاقوں میں ہلکی برفباری متوقع ہے۔
خیبرپختونخوا کے بیشتر اضلاع میں موسم سرد اور خشک رہنے کا امکان ہے، تاہم چترال، دیر، کوہستان، سوات، کالام اور بالائی خیبرپختونخوا میں چند مقامات پر ہلکی بارش اور برفباری ہو سکتی ہے۔ اسی طرح گلگت بلتستان میں بھی بعض مقامات پر ہلکی بارش اور برفباری کا امکان ظاہر کیا گیا ہے۔
یہ بھی پڑھیے: ملک کے مختلف حصوں میں بارش اور برفباری، آج موسم کیسا رہے گا؟
ایبٹ آباد اور گردونواح میں آج سے بارش کا سلسلہ شروع ہونے کا امکان ہے، جبکہ گلیات کے بالائی علاقوں میں برفباری متوقع ہے۔ یہ سلسلہ آئندہ 3 روز تک جاری رہ سکتا ہے۔ شدید سردی اور ممکنہ برفباری کے پیش نظر سیاحوں اور مقامی افراد کو احتیاطی تدابیر اختیار کرنے کی ہدایت کی گئی ہے۔
محکمہ موسمیات کے مطابق آج صبح ریکارڈ کیے گئے درجہ حرارت کے مطابق اسلام آباد میں 6، لاہور 10، کراچی 13، پشاور اور مظفرآباد 5، کوئٹہ 3، مری صفر اور گلگت میں 2 ڈگری سینٹی گریڈ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش برفباری محکمہ موسمیات.
ذریعہ
ذریعہ: WE News
کلیدی لفظ: محکمہ موسمیات میں موسم سرد اور خشک مطلع جزوی ابرآلود بارش اور برفباری محکمہ موسمیات ہلکی بارش اور کا امکان ہے علاقوں میں کے بیشتر
پڑھیں:
خیبر پی کے میں بلدیاتی انتخابات 2 مراحل میں ہونے کا امکان
پشاور (بیورو رپورٹ) الیکشن کمشن نے خیبر پی کے میں مرحلہ وار بلدیاتی انتخابات کروانے پر کام شروع کر دیا۔ صوبے میں بلدیاتی انتخابات 2 مراحل میں ہونے کا امکان ہے۔ الیکشن کمشن نے 23 اضلاع میں حلقہ بندیاں مکمل کر لیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمشن جلد خیبر پی کے حکومت سے انتخابات کی حتمی تاریخ مانگے گا۔ ذرائع کے مطابق الیکشن کمشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا۔ بلدیاتی اداروں کی مدت مارچ اور جون 2026ء میں مکمل ہو چکی ہے۔ الیکشن کمشن نے 23 اضلاع میں الیکشنز کرانے کے لیے تیار ہے۔ چیف سیکرٹری کے پی کے 28 جولائی تک الیکشن کمشن کو آگاہ کریں گے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان