امن پر کوئی سمجھوتہ نہیں، شہدا کے خون کا حساب میں لیا جائے گا، وزیراعلیٰ بلوچستان سرفراز بگٹی
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
کوئٹہ میں بم دھماکے کے مقام کا دورہ کرنے کے بعد وزیراعلیٰ بلوچستان سرفراز بگٹی نے واضح کیا ہے کہ صوبے میں امن کے معاملے پر کسی قسم کا سمجھوتہ نہیں کیا جائے گا اور شہداء کے خون کے ایک ایک قطرے کا حساب لیا جائے گا۔
وزیراعلیٰ نے سیکیورٹی صورتحال کا جائزہ لیتے ہوئے پولیس اور سی ٹی ڈی کے فوری اور مؤثر ردعمل کو سراہا اور کہا کہ دہشت گردی کے واقعات پر ریاستی اداروں کا بروقت ایکشن قابلِ تحسین ہے۔ ان کا کہنا تھا کہ ریاست دشمن عناصر کو کسی صورت معاف نہیں کیا جائے گا اور بلوچستان میں امن پر کوئی سمجھوتہ نہیں ہوگا۔
سرفراز بگٹی کے مطابق صبح کے وقت فتنہ الہندوستان سے تعلق رکھنے والے دہشت گردوں نے مختلف علاقوں میں حملوں کی کوشش کی، تاہم بلوچستان پولیس اور ایف سی کے جوانوں نے تمام حملے ناکام بنا دیے۔ انہوں نے بتایا کہ گزشتہ 12 ماہ کے دوران صوبے میں 700 سے زائد دہشت گردوں کو ہلاک کیا گیا جبکہ گزشتہ دو روز میں سیکیورٹی فورسز کی کارروائیوں میں 70 دہشت گرد مارے گئے۔
بعد ازاں وزیراعلیٰ بلوچستان نے وفاقی وزیر داخلہ محسن نقوی کے ہمراہ شہداء کے لواحقین سے ملاقات کی، جہاں وہ جذباتی ہو گئے۔ اس موقع پر انہوں نے کہا کہ شہداء کی قربانیاں ہرگز رائیگاں نہیں جائیں گی اور ریاست آخری دہشت گرد کے خاتمے تک چین سے نہیں بیٹھے گی۔
ذریعہ
ذریعہ: Jasarat News
کلیدی لفظ: جائے گا
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے