کراچی لٹریچر فیسٹیول کا 6 فروری سے آغاز،8ممالک کے200سے زائدمندوبین کی شرکت متوقع
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: کراچی لٹریچر فیسٹیول رواں سال 6 تا 8 فروری بیچ لگژری ہوٹل کراچی میں منعقد کیا جارہاہے۔
کراچی لٹریچر فیسٹیول (کے ایل ایف) کا 17 واں ایڈیشن 6 سے 8 فروری تک کراچی کے بیچ لگژری ہوٹل میں منعقد ہوگا، جہاں ملک اور بیرونِ ملک سے نامور ادیب، شاعر، دانشور اور محققین ادب اور عصری دنیا کے اہم موضوعات پر اظہارِ خیال کریں گے۔فیسٹیول میں آٹھ ممالک کے دو سو سے زائد مندوبین شریک اور 90 سے زائد سیشنز رکھے گئے ہیں۔
آکسفورڈ یونیورسٹی پریس پاکستان کے زیرِ اہتمام ہونے والے اس فیسٹیول کاعنوان “Literature in a Fragile World رکھا گیا ہے، جس میں اس بات کا جائزہ لیا جائے گا کہ کہانیاں، شاعری اور تنقیدی سوچ سماجی، سیاسی و ثقافتی عدم استحکام اور تیز رفتار تبدیلیوں کے تناظر میں انسانی جذبات کی کس طرح ترجمانی کرتی ہیں۔پروگرام میں تین زبانوں میں 28 کتابوں کی رونمائی، دو دستاویزی فلمیں اور دو فیچر فلمیں بھی شامل ہیں۔
کراچی لٹریچر فیسٹیول کے حوالے سے اس کےاغراض و مقاصد پر روشنی ڈالتے ہوئے آکسفورڈ یونیورسٹی پریس پاکستان کے منیجنگ ڈائریکٹر ارشد سعید حسین نے کہا کہ تیزی سے منقسم ہوتی دنیا میں ادب اُن چند آخری جگہوں میں سے ایک ہے جہاں عقائد پر سوال اٹھائے جا سکتے ہیں اور انسان بغیر کسی خوف کے بات کرسکتا ہے۔
کراچی لٹریچر فیسٹیول میں سینیٹر شیری رحمان، محمد حنیف، ناصر عباس نیر اور خورشید رضوی کے کلیدی خطابات بھی شامل ہوں گے۔ اس کے علاوہ ملک اور بیرونِ ملک سے ممتاز ادیبوں، شاعروں، ناقدین اور دانشوروں کی بڑی تعداد بھی اس فیسٹیول کا حصہ بنے گی۔
ذریعہ
ذریعہ: Jasarat News
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے