پاکستان نے بھارت کے دہشتگردی میں براہ راست ملوث ہونے کے ثبوت دنیا کو دیے، طلال چوہدری
اشاعت کی تاریخ: 1st, February 2026 GMT
ہمارے شواہد پر دنیا نے یقین کیا، بی ایل اے کو دہشت گرد قرار دیا گیا، طلال چوہدری - فوٹو: اسکرین گریب
وفاقی وزیر مملکت برائے داخلہ سینیٹر طلال چوہدری نے کہا ہے کہ بھارتی پراکسی سرحد کی دوسری جانب ٹریننگ لیتی ہیں اور کارروائی کرتی ہیں۔
میڈیا سے گفتگو میں طلال چوہدری نے کہا کہ پاکستان نے بھارت کے دہشت گردی میں براہ راست ملوث ہونے کے ثبوت دنیا کو دیے، ہمارے شواہد پر دنیا نے یقین کیا، بی ایل اے کو دہشت گرد قرار دیا گیا۔
انہوں نے کہا کہ دہشت گردوں نے عام آدمی کے پیچھے چھپ کر انہیں ڈھال بنایا ہوا تھا، یہ کہتے ہیں کہ وہ بلوچوں کے حقوق کا تحفظ کرتے ہیں، ان دہشت گردوں نے بازاروں میں اسکولوں پر حملہ کیا۔
وفاقی وزیر مملکت نے مزید کہا کہ بھارت نے جنگ ہارنے کے بعد پراکسیز پر سرمایہ کاری بڑھا دی ہے، دہشت گردوں نے سافٹ ٹارگٹ پر حملہ کیا، عورتوں بچوں کو ڈھال بنایا، عام شہریوں کو نشانہ بنانا افسوسناک ہے۔
اُن کا کہنا تھا کہ ان کی ہمت نہ ہوئی کہ وہ سیکیورٹی فورس کے ساتھ لڑ سکیں، انڈین چینلز پر یہ کمنٹری اس طرح چلائی گئیں کہ یہ کوئی میچ ہو رہا ہو، بھارت نے جنگ ہارنے کے بعد پراکسی پر انویسٹمنٹ بڑھا دی ہے۔
طلال چوہدری نے کہا کہ یہ پراکسی سرحد کی دوسری جانب ٹریننگ لیتی ہیں، اور کارروائی کرتی ہیں، بہت سے دہشت گرد بھاگ گئے ہیں، ان کا پیچھا کیا جا رہا ہے۔
انہوں نے کہا کہ وادی تیراہ میں جرگہ اراکین نے وفاقی حکومت کے موقف پر مہر لگائی، پی ٹی آئی نے سیاسی مقاصد اور نااہلی چھپانے کے لیے سیکیورٹی فورسز پر جھوٹ اور تہمت لگائی۔
وفاقی وزیر مملکت نے کہا کہ صوبائی حکومت نے وادی تیراہ میں بڑا اسپتال بنانے کا معاہدہ کیا تھا، اس علاقے میں 12 تھانے بننے تھے لیکن ایک بھی نہیں بنا۔
اُن کا کہنا تھا کہ وادی تیراہ کے مختلف علاقوں میں اسکول نہیں بنے، 4 ارب روپے پر خورد برد کی گئی، وادی تیراہ کے لوگوں تک نہیں پہنچے۔
طلال چوہدری نے کہا کہ رقم کوہستان اسکینڈل کی طرح ایک ڈمپر ڈرائیور کے اکاؤنٹ میں گئی، نیشنل ایکشن پلان چلتا رہے گا یہ سب متفقہ فیصلہ ہے۔
.
ذریعہ
ذریعہ: Jang News
کلیدی لفظ: طلال چوہدری نے کہا وادی تیراہ نے کہا کہ
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے