’علم حاصل کرنے سے ہی عزت بڑھتی ہے‘، مریم نواز کا بھکر میں دانش اسکول کا افتتاح
اشاعت کی تاریخ: 1st, February 2026 GMT
وزیراعلیٰ پنجاب مریم نواز شریف نے بھکر میں دانش اسکول منکیرہ کا افتتاح کیا اور گورنمنٹ پرائمری سکول کیسانوالہ میں سکول میل پروگرام کا آغاز کیا۔ اس موقع پر انہوں نے طالبات میں لنچ بکس تقسیم کیے اور کلاس روم کا دورہ کیا، جہاں ملک پیک ری سائیکلنگ سے تیار شدہ ڈیسک دیکھ کر خوشی کا اظہار کیا۔
مریم نواز نے منکیرہ کے 3 اسکولوں کی اپ گریڈیشن کا بھی اعلان کیا اور فوری عملدرآمد کے لیے نوٹیفکیشن جاری کردیا۔ اس کے تحت گورنمنٹ گرلز پرائمری سکول کیسانوالہ کو پرائمری سے ایلیمنٹری گریڈ اور کری و نورپورشاہ کے گورنمنٹ ایلیمنٹری سکولوں کو ہائی گریڈ کا درجہ دے دیا گیا۔
مزید پڑھیں: پارلیمنٹ نے دانش اسکول اتھارٹی سمیت 3 اہم قوانین منظور کرلیے، اپوزیشن کا احتجاج رائیگاں
وزیراعلیٰ مریم نواز نے طالبات سے گفتگو کرتے ہوئے ان کی محنت اور عزم کو سراہا اور نصیحت کی کہ ’دودھ پئیں، اچھی غذا کھائیں اور مضبوط بنیں۔‘
انہوں نے طالبات کے ساتھ دوپہر کا کھانا بھی کھایا اور دانش اسکول گرلز کیمپس کے ہاسٹل میں بلوچستان کی تین طالبات کی سالگرہ بھی منائی۔
مریم نواز نے کہاکہ طلبہ محنت کریں، کبھی نہ ڈریں اور علم حاصل کریں کیونکہ تعلیم اور علم سے عزت بڑھتی ہے۔
انہوں نے بیٹیوں کے ہر شعبے میں آگے بڑھنے کی ضرورت پر زور دیا اور کہاکہ ماں کے طور پر پنجاب بھر میں اپنی بیٹیوں کے لیے ہر ممکن اقدامات کریں گی۔
اس موقع پر وزیر تعلیم رانا سکندر حیات نے اسکول میل پروگرام اور دانش اسکولز کے بارے میں بریفنگ دی۔ جس میں بتایا گیا کہ اسکول میل پروگرام کے تحت 4309 لڑکوں اور 4010 لڑکیوں کو صحت بخش لنچ فراہم کیا جا رہا ہے، اور پروگرام کے آغاز کے بعد طلبہ کی انرولمنٹ میں 28 فیصد اضافہ ہوا ہے۔
مزید پڑھیں: وزیراعظم شہباز شریف نے چترال میں دانش اسکول کا سنگ بنیاد رکھ دیا
دانش اسکول منکیرہ پراجیکٹ 2017 میں شروع ہوا اور 250 ایکڑ رقبے پر قائم اس اسکول میں اب 770 طلبہ زیر تعلیم ہیں۔ صوبے کے 13 اضلاع کے 8319 سکولوں میں سکول میل پروگرام جاری ہے، جس کے تحت اب تک 3 کروڑ 37 لاکھ ملک پیک اور ایک کروڑ 22 لاکھ بسکٹ طلبہ میں تقسیم کیے جا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افتتاح دانش اسکول مریم نواز وزیراعلٰی پنجاب وی نیوز.
ذریعہ
ذریعہ: WE News
کلیدی لفظ: افتتاح دانش اسکول مریم نواز وی نیوز سکول میل پروگرام دانش اسکول مریم نواز
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ