12 فروری کے انتخابی نتائج بنگلہ دیش کے مستقبل کا تعین کریں گے، جماعت اسلامی
اشاعت کی تاریخ: 1st, February 2026 GMT
جماعت اسلامی بنگلہ دیش کے امیر ڈاکٹر شفیق الرحمان نے آئندہ ہونے والے تیرہویں قومی پارلیمانی انتخابات کو بنگلہ دیش کے لیے ایک تاریخی سنگ میل قرار دیتے ہوئے کہا ہے کہ 12 فروری کا ووٹ ملک کے مستقبل کا تعین کرے گا۔
اتوار کی صبح جامع پور کے سنگھجانی ہائی اسکول گراؤنڈ میں گیارہ جماعتی انتخابی اتحاد کی مشترکہ عوامی ریلی سے خطاب کرتے ہوئے ڈاکٹر شفیق الرحمان نے کہاکہ یہ انتخابات برسوں کے ظلم و ستم اور قربانیوں کے بعد آرہے ہیں، جن میں سینکڑوں جانیں گئیں، اور ہزاروں افراد زخمی ہوئے، لیکن آمرانہ حکمرانی کے تاریک دور کا خاتمہ ہوا۔
مزید پڑھیں: بنگلہ دیش انتخابات: اے بی پارٹی نے مختلف راستہ اختیار کرنے کا عندیہ دے دیا
انہوں نے زور دیا کہ ان انتخابات کو 2008، 2014، 2018 اور 2024 میں ہونے والے انتخابات سے مختلف نظر سے دیکھنا چاہیے۔ انہوں نے اسے ’فاشسٹ سیاست‘ کو دفن کرنے کا موقع قرار دیا۔
ڈاکٹر شفیق الرحمان نے ووٹرز سے کہاکہ اصلاحات اور قومی تجدید کے حق میں ووٹ دیں۔
انہوں نے غیر واضح مؤقف رکھنے والی جماعتوں پر تنقید کرتے ہوئے انہیں واضح طور پر بتانے کے لیے چیلنج کیاکہ آیا وہ اصلاحات اور نئے سیاسی نظام کی حمایت کرتی ہیں یا نہیں۔
ڈاکٹر شفیق الرحمان نے کہاکہ جماعت اسلامی اور اس کے اتحادی ملک بھر میں اصلاحات اور جوابدہی کے حق میں کھلے عام مہم چلا رہے ہیں اور دوسروں سے بھی شفافیت کا مطالبہ کیا۔
ڈاکٹر شفیق الرحمان نے زور دیا کہ یہ تحریک کسی جماعت کی فتح کے لیے نہیں بلکہ بنگلہ دیش کے 1.
انہوں نے 2024 کی نوجوان قیادت والی احتجاجی تحریکوں کے دوران اٹھائے گئے مطالبات اجاگر کیے، جن میں امتیاز ختم کرنا، روزگار پیدا کرنا، قانون کی حکمرانی اور بدعنوانی سے پاک ملک شامل ہیں۔
انہوں نے ماضی میں شہید ہونے والے طلبہ اور کارکنوں کو خراج عقیدت پیش کیا اور کہاکہ ان کی قربانیاں ضائع نہیں ہونے دیں گے۔
انہوں نے کہا کہ منتخب نمائندے سالانہ اپنے اور اپنے اہل خانہ کے مالی گوشوارے پیش کریں گے۔
مزید پڑھیں: بنگلہ دیش میں انتخابات سے قبل مسلح افواج کو ہائی الرٹ رہنے کا حکم
خواتین سے خطاب کرتے ہوئے انہوں نے گھر، کام کی جگہ اور عوامی زندگی میں سیکیورٹی، وقار اور مساوی مواقع دینے کا وعدہ کیا اور کہا کہ خواتین کو انصاف اور میرٹ کی بنیاد پر حقوق ملیں گے۔
انہوں نے مذہبی اقلیتوں کو یقین دلایا کہ مذہب، نسل، زبان یا شکل کی بنیاد پر کوئی امتیاز نہیں ہوگا اور اتحاد برقرار رکھا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بنگلہ دیش ڈاکٹر شفیق الرحمان قومی انتخابات وی نیوز
ذریعہ
ذریعہ: WE News
کلیدی لفظ: بنگلہ دیش ڈاکٹر شفیق الرحمان قومی انتخابات وی نیوز ڈاکٹر شفیق الرحمان نے بنگلہ دیش کے انہوں نے کے لیے
پڑھیں:
پیٹرولیم مصنوعات کی قیمتوں کاروزانہ تعین ; سینٹ میں توجہ دلاؤ نوٹس جمع
سٹی 42: سینیٹر کامران مرتضیٰ نے پیٹرولیم مصنوعات کی قیمتوں کے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔
توجہ دلاؤ نوٹس میں وفاقی حکومت کے پندرہ روزہ نظام کے بجائے روزانہ قیمتوں کے تعین کے مجوزہ فیصلے پر وضاحت طلب کی گئی۔سینیٹر کامران مرتضیٰ نے روزانہ قیمتوں کے تعین کے ممکنہ مہنگائی پر اثرات پر تشویش کا اظہار کیا۔
نوٹس متن کے مطابق مجوزہ نظام سے ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے،توجہ دلاؤ نوٹس میں کاروباری سرگرمیوں اور عوامی زندگی کے اخراجات پر ممکنہ اثرات سے متعلق سوالات اٹھائے گئے۔سینیٹر کامران مرتضیٰ نے حکومت سے مجوزہ پالیسی کی وجوہات اور نفاذ کے طریقہ کار کی تفصیلات طلب کر لیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
نوٹس میں صارفین کو قیمتوں کے غیر معمولی اتار چڑھاؤ سے تحفظ دینے کے لیے مجوزہ اقدامات سے بھی آگاہ کرنے کا مطالبہ کیا گیا۔سینیٹر کامران مرتضیٰ نے حکومت سے عوام کو ممکنہ منفی اثرات سے بچانے کے لیے حفاظتی اقدامات کی تفصیلات سینیٹ میں پیش کرنے کا مطالبہ کیا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار