حمزہ شہباز کی چودھری ارمغان کی والدہ کے انتقال پر تعزیت
اشاعت کی تاریخ: 1st, February 2026 GMT
لاہور:(نیوزڈیسک) سابق وزیراعلیٰ پنجاب اور مسلم لیگ ن کے نائب صدر حمزہ شہباز شریف نے وفاقی وزیر چودھری ارمغان سبحانی کی والدہ کے انتقال پر گہرے رنج و غم کا اظہار کیا ہے۔ حمزہ شہباز شریف اظہارِ تعزیت کے لیے چودھری ارمغان سبحانی کی رہائشگاہ پہنچے جہاں انہوں نے مرحومہ کے لیے دعائے مغفرت اور بلندیٔ درجات کی دعا کی اور لواحقین سے دلی ہمدردی کا اظہار کیا۔
اس موقع پر حمزہ شہباز شریف کا کہنا تھا کہ ماں کا سایہ سر سے اٹھ جانا ایسا دکھ ہے جس کا احاطہ الفاظ میں ممکن نہیں۔ انہوں نے مرحومہ کے اہل خانہ کو صبر جمیل کی تلقین کرتے ہوئے کہا کہ دکھ کی اس گھڑی میں وہ ان کے غم میں برابر کے شریک ہیں۔
بعد ازاں میڈیا سے گفتگو کرتے ہوئے حمزہ شہباز شریف نے بلوچستان میں سیکیورٹی فورسز کے کامیاب آپریشن پر اظہارِ خیال کیا۔ انہوں نے کہا کہ بہادر سیکیورٹی فورسز نے بروقت اور مؤثر کارروائی کرتے ہوئے 130 سے زائد دہشتگردوں کا صفایا کیا، تاہم فتنہ الہندوستان کے حملوں میں 18 شہری اور 15 جوانوں نے جامِ شہادت نوش کیا۔
حمزہ شہباز شریف نے کہا کہ دہشتگردوں نے بدترین درندگی کا مظاہرہ کرتے ہوئے خواتین، بچوں، معمر افراد اور محنت کشوں کو نشانہ بنایا، مگر ایسے بزدلانہ حملوں سے ملک سے دہشتگردی کے مکمل خاتمے کے قومی عزم کو ٹھیس نہیں پہنچ سکتی۔ انہوں نے واضح کیا کہ پوری قوم اپنی بہادر سیکیورٹی فورسز کے شانہ بشانہ کھڑی ہے۔
.
ذریعہ
ذریعہ: Daily Mumtaz
کلیدی لفظ: حمزہ شہباز شریف کرتے ہوئے انہوں نے
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا