بنگلہ دیش کرکٹ بورڈ کا میرپور اسٹیڈیم میں میڈیا رسائی پر نئی پابندیوں کا اعلان
اشاعت کی تاریخ: 1st, February 2026 GMT
بنگلہ دیش کرکٹ بورڈ (بی سی بی) نے سیکیورٹی اور نظم و ضبط کے پیش نظر میرپور کے شیرِ بنگلہ نیشنل کرکٹ اسٹیڈیم میں میڈیا نمائندوں کی رسائی پر نئی پابندیاں عائد کر دی ہیں۔
مزید پڑھیں: بنگلہ دیش کے لیجنڈری بلے باز مشفق الرحیم نے کونسا تاریخی اعزاز اپنے نام کیا؟
بی سی بی کی جانب سے ہفتے کے روز جاری کردہ پریس ریلیز کے مطابق، اب صحافیوں کو اسٹیڈیم میں داخلے کی اجازت صرف بی سی بی کے نامزد کردہ پروگراموں کے دوران ہی دی جائے گی۔ یہ نئے قواعد فوری طور پر نافذ العمل ہوں گے۔
نظرثانی شدہ ہدایات کے تحت میڈیا نمائندوں کو اسٹیڈیم میں داخلے کے لیے گیٹ نمبر ایک استعمال کرنا ہوگا۔ صحافیوں کو صرف میچ کے دنوں، سرکاری پریس کانفرنسوں، بی سی بی کے باقاعدہ دعوتی پروگراموں یا بورڈ کی جانب سے پہلے سے اعلان کردہ ٹریننگ اور پریکٹس سیشنز کے دوران ہی رسائی حاصل ہوگی۔
بی سی بی کا کہنا ہے کہ ان اقدامات کا مقصد شیرِ بنگلہ نیشنل کرکٹ اسٹیڈیم اور اس کے اطراف میں سیکیورٹی کو یقینی بنانا اور نظم و ضبط برقرار رکھنا ہے۔ بورڈ نے اسٹیڈیم اور بی سی بی ہیڈکوارٹرز میں امور کی احسن انداز میں انجام دہی کے لیے تمام متعلقہ فریقین سے تعاون کی اپیل بھی کی ہے۔
مزید پڑھیں: سیریز بچانے کا آخری موقع، پاکستان دوسرے ٹی20 میں آج بنگلہ دیش کے خلاف کھیلے گا
نئے فیصلے کے تحت اب میڈیا نمائندے اپنی مرضی سے اسٹیڈیم میں داخل نہیں ہو سکیں گے اور انہیں پیشہ ورانہ فرائض کی انجام دہی کے دوران بی سی بی کی ہدایات پر سختی سے عمل کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش کرکٹ بورڈ پابندیوں کا اعلان شیرِ بنگلہ نیشنل کرکٹ اسٹیڈیم میڈیا رسائی میرپور اسٹیڈیم.
ذریعہ
ذریعہ: WE News
کلیدی لفظ: بنگلہ دیش کرکٹ بورڈ پابندیوں کا اعلان شیر بنگلہ نیشنل کرکٹ اسٹیڈیم میڈیا رسائی میرپور اسٹیڈیم اسٹیڈیم میں بنگلہ دیش
پڑھیں:
معروف میکسیکن انفلوئنسر گھر میں مردہ پائی گئیں، قتل کا شبہ
میکسیکو کی معروف سوشل میڈیا انفلوئنسر پاؤلا مارکیز اپنے گھر میں مردہ حالت میں پائی گئی ہیں، جس کے بعد پولیس نے واقعے کی تحقیقات شروع کر دی ہیں۔
غیر ملکی میڈیا رپورٹس کے مطابق 30 سالہ پاؤلا مارکیز کی لاش 30 مئی کو ان کے گھر کے اندر سے اس وقت برآمد ہوئی جب ایک اہلِ خانہ نے انہیں بے ہوش حالت میں پایا۔ بعد ازاں طبی عملے نے موقع پر ہی ان کی موت کی تصدیق کر دی۔
ابتدائی تحقیقات میں پولیس مختلف پہلوؤں کا جائزہ لے رہی ہے جن میں خودکشی اور ممکنہ قتل دونوں امکانات شامل ہیں۔ حکام کا کہنا ہے کہ حتمی نتیجے تک پہنچنے کے لیے تمام شواہد کا باریک بینی سے تجزیہ کیا جا رہا ہے۔
غیر ملکی میڈیا کے مطابق پاؤلا مارکیز سوشل میڈیا پر خاصی مقبول تھیں اور مختلف پلیٹ فارمز پر ان کے فالوورز کی تعداد 20 لاکھ سے زائد تھی۔ وہ زیادہ تر لائف اسٹائل، سفر اور پرتعیش زندگی سے متعلق مواد شیئر کرتی تھیں۔
ان کی ایک حالیہ ٹک ٹاک ویڈیو بھی سامنے آئی ہے جس میں انہوں نے اپنی زندگی سے متعلق مایوس کن انداز میں گفتگو کی تھی۔ ویڈیو میں ان کا کہنا تھا کہ ’’میں نے جو کچھ چاہا وہ مانگا، لیکن شاید الٹا مانگا، کیونکہ جو تھوڑا بہت میرے پاس تھا وہ بھی ہاتھ سے نکل رہا ہے۔‘‘
افسوسناک خبر کے بعد ان کے والد ہیرکولیس مارکیز بالڈیرس نے فیس بک پر جذباتی پیغام میں اپنی بیٹی کو خراجِ عقیدت پیش کیا۔ انہوں نے لکھا کہ ان کی ’’پیارا بیٹی پاؤلا اب اس دنیا میں نہیں رہی‘‘ اور وہ دعا گو ہیں کہ اللہ انہیں بہترین مقام عطا کرے۔
والد کی پوسٹ پر صارفین کی جانب سے تعزیتی پیغامات کا سلسلہ بھی جاری رہا، جہاں مداحوں اور قریبی افراد نے اہلِ خانہ سے ہمدردی اور صبر کی دعا کی۔ بعد ازاں اہلِ خانہ نے تصدیق کی کہ پاؤلا مارکیز کی آخری رسومات یکم جون کو سان لوئیس پوٹوسی کے علاقے ہویچی ہوان میں ادا کی گئیں۔
پاؤلا مارکیز نے اپنی سوشل میڈیا پوسٹوں میں دنیا بھر کے سفر، لگژری ٹرپس اور ایونٹس کی جھلکیاں شیئر کرکے بڑی شہرت حاصل کی تھی۔ ان کے انسٹاگرام بائیو میں درج ایک جملہ ’’انسٹاگرام اصل زندگی نہیں ہے‘‘ بھی ان کی سوچ کی عکاسی کرتا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے