145 دہشتگرد مارے ہیں، دہشتگردی کا خاتمہ کرینگے، سرفراز بگٹی
اشاعت کی تاریخ: 1st, February 2026 GMT
کوئٹہ میں پریس کانفرنس کرتے ہوئے وزیراعلیٰ سرفراز بگٹی نے کہا کہ دہشتگردوں نے 31 معصوم شہریوں کو شہید کیا۔ گوادر میں دہشتگردوں نے پانچ خواتین اور تین بچوں کو شہید کیا۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ دہشتگردوں کے ساتھ مقابلے میں 17 سکیورٹی اہلکار شہید ہوئے، جبکہ 145 دہشتگردوں کی لاشیں ہمارے پاس موجود ہیں۔ یہ بات انہوں نے وزیراعلیٰ سیکرٹریٹ میں پریس کانفرنس کرتے ہوئے کہی۔ وزیراعلیٰ بلوچستان سرفراز بگٹی نے کہا کہ دہشتگردوں نے 31 معصوم شہریوں کو شہید کیا۔ گوادر میں دہشتگردوں نے پانچ خواتین اور تین بچوں کو شہید کیا۔ شہید ہونے والی فیملی کا تعلق خضدار سے تھا اور وہ بلوچ تھے۔ یہ خود کو بلوچ کہتے ہیں لیکن یہ بلوچ نہیں دہشت گرد ہیں۔ انہوں نے کہا کہ افغان سرزمین بھی پاکستان کے خلاف استعمال ہو رہی ہے۔ اطلاعات ہیں کہ ان دہشتگردوں کے ساتھ افغانی بھی شامل ہیں۔ آج بشیر زیب، رحمان گل اور اللہ نظر افغانستان میں موجود ہے۔ انہوں نے کہا کہ ہمارے پاس دہشتگرد حملے کی انٹیلی جنس رپورٹ موجود تھی۔ ہم نے ایک دن پہلے آپریشن شروع کر دیا تھا۔ 145 دہشتگردوں کی لاشیں ہمارے پاس موجود ہیں۔ یہ لوگ ہندوستان کے ایماء پر ایسے واقعات کرکے پاکستان کو غیر مستحکم کرنے کی کوشش کرتے ہیں، جب پاکستان ٹیک آف کرنے کی کوشش کرتا ہے، اس طرح کے واقعات ہوتے ہیں۔
وزیراعلیٰ سرفراز بگٹی نے کہا کہ ہم ایک سیکنڈ کے لئے بھی سرینڈر کرنے کے لئے تیار نہیں ہیں۔ ہم ایک ہزار سال تک ان کے خلاف جنگ لڑیں گے۔ ہمارا خون سستا نہیں ہے، ہم انہیں جانے نہیں دیں گے۔ ہم بلوچستان کو ان کے لئے جہنم بنا دیں گے۔ مذاکرات سے متعلق ایک سوال کا جواب دیتے ہوئے وزیراعلیٰ بلوچستان کا کہنا تھا کہ یہ لوگ بلوچ عوام کو ہندوستان کی ایماء پر ایندھن کیوں بنا رہے ہیں، کیا بی ایل اے کوئی رجسٹرڈ جماعت ہے جس سے مذاکرات کرنے ہیں؟ یہ بندوق کے زور پر اپنا نظریہ ہم پر مسلط کرنا چاہتے ہیں۔ انہوں نے کہا کہ اس جنگ اور تشدد کو محرومی کے ساتھ جوڑا جاتا ہے۔ ہم ایک مارٹر مار کر انہیں ہلاک کر سکتے تھے، مگر شہری بھی مارے جاتے۔ دہشت گرد شہریوں میں آکر مل جل جاتے ہیں۔ ہمارا عزم ہے کہ ہم دہشت گردی کے خلاف لڑیں گے اور ان کے خلاف انٹیلی جنس آپریشن کریں گے۔ دہشت گردوں کو بلوں سے نکالیں گے اور ختم کریں گے۔
ذریعہ
ذریعہ: Islam Times
کلیدی لفظ: سرفراز بگٹی نے کہا دہشتگردوں نے کو شہید کیا نے کہا کہ انہوں نے کے خلاف
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار