عدالت کے بعد وزیر اعلیٰ کے احکامات بھی نظر انداز، گریڈ 19 کی سینیارٹی لسٹ کا اجراء تاحال نہ ہوسکا
اشاعت کی تاریخ: 1st, February 2026 GMT
محکمہ کالج ایجوکیشن نے عدالت کے بعد اب وزیر اعلیٰ کے احکامات بھی ہوا میں اڑا دیے اور گریڈ 20 کی 70 سے زائد خالی نشستوں پر سینیارٹی لسٹ کا اجراء نہیں کیا جارہا جس کے سبب گریڈ 19 کے درجنوں اساتذہ کے 20 گریڈ میں پروموشنز رکے ہوئے ہیں جبکہ گریڈ 20 کی کئی اہم آسامیوں پر 19 گریڈ کے افراد کام کررہے ہیں۔
تفصیلات کے مطابق کالج ایجوکیشن ڈیپارٹمنٹ میں گریڈ 19 کی سینیارٹی لسٹ کا اجراء تاحال تاخیر کا شکار ہے، سپریم کورٹ آف پاکستان نے 6 نومبر 2025 کو اپنے فیصلے میں 26 سال بعد سروس ٹریبونل کے فیصلے کے تحت بنائی گئی سینیارٹی لسٹ کو معطل کردیا تھا اور تبدیل ہونے والی سینیارٹی لسٹ کو روک دیا تھا جس کے بعد 23 دسمبر2025 کو ہونے والے پروونشل سلیکشن بورڈ ون میں وزیراعلیٰ نے کالج ایجوکیشن ڈیپارٹمنٹ کے ایسوسی ایٹ پروفیسرز کے تمام پروموشنز کے کیسز کو اس لیے موخر کر دیا تھا کہ سپریم کورٹ کے فیصلے کے مطابق یہ لسٹ ترتیب نہیں دی گئی تھی۔
ذرائع کے مطابق وزیر اعلیٰ نے سپریم کورٹ کے احکامات پر گریڈ 19 کی ریوائز سینیارٹی بنانے کی ہدایت بھی کی تھی مگر ایک ماہ سے زائد گزرنے کے بعد بھی تاحال محمکہ میں اس پر کوئی کام نہیں ہو سکا ۔
دلچسپ امر یہ ہے کہ 10 اگست 2023 کو سندھ سروس ٹریبونل نے گریڈ 19 کی سینیارٹی لسٹ کو تبدیل کرنے کے احکامات دیے اور محکمہ کالج ایجوکیشن ڈیپارٹمنٹ نے دوسرے دن ہی یعنی 11 اگست 2023 کو تبدیل شدہ سینیارٹی لسٹ جاری کر کے پروموشن کے کیسز مانگ لیے مگر اب جبکہ سپریم کورٹ اور وزیر اعلیٰ سندھ دونوں جانب سے نئی سینیارٹی لسٹ کے اجراء کا کہا جاچکا ہے لیکن اس کے باوجود سنیارٹی لسٹ کا اجراء التواء کا شکار ہے۔
یاد رہے سندھ سروس ٹریبونل کے فیصلے کے خلاف پروفیسر جادم گجو اور پروفیسر نثار احمد راجپر نے سپریم کورٹ اسلام آباد سے رجوع کیا تھا جس پر سپریم کورٹ نے سینیارٹی لسٹ کی تبدیلی کو بنیادی حقوق کی خلاف ورزی قرار دیا تھا اور سروس ٹربیونل کے فیصلے کو معطل کر دیا تھا۔
محکمہ کالج ایجوکیشن میں اس وقت 70 سے زائد 20 گریڈ کی آسامیاں خالی پڑی ہیں جس پر پروموشن سینیارٹی لسٹ کے اجراء پر مشروط ہے، اس وقت ریجنل ڈائریکٹر لاڑکانہ، میر پور خاص، حیدرآباد اور سکھر کی آسامیوں پر جونیئر اساتذہ کو چارج دیا گیا ہے جبکہ اسی برس مارچ اور مئی میں ڈائریکٹوریٹ کراچی اور ڈائریکٹوریٹ شہید بے نظیر آباد کے ساتھ ساتھ ڈائریکٹر جنرل کالجز سندھ کا عہدہ بھی خالی ہوجائے گا جس سے انتظامی بحران پیدا ہونے کا خدشہ ہے۔
دوسری طرف سندھ پروفیسر لیکچرر ایسوسی ایشن نے کالج ایجوکیشن ڈیپارٹمنٹ کے خلاف 12 فروری کو بلاول ہاؤس پر مظاہرے کا اعلان بھی کر رکھا ہے جبکہ پیر کو بھی ایک ریلی سندھ سیکریٹریٹ تک نکالی جانی ہے۔
.
ذریعہ
ذریعہ: Express News
کلیدی لفظ: سینیارٹی لسٹ لسٹ کا اجراء کے احکامات سپریم کورٹ وزیر اعلی گریڈ 19 کی کے فیصلے دیا تھا کے بعد
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار