پی یوایم ایف کےاعزازمیں سیالکوٹ لوسٹی ریسٹورینٹ کی صائمہ نوید کا ظہرانہ
اشاعت کی تاریخ: 2nd, February 2026 GMT
data-id="863a0a8" data-element_type="widget" data-widget_type="theme-post-content.default">
سعودی عرب الریاض میں فعال صحافتی تنظیم پاک یونائیٹڈ میڈیا فورم سعودی عرب کے وفد کے اعزاز میں سیالکوٹ کے ( لو سٹی ) ریسٹورنٹ کی اونر میڈم صائمہ نوید کی جانب سے شاندار ظہرانہ کا اہتمام کیا گیا جس میں پاک یونائیٹڈ میڈیا فورم کے مرکزی عہدیداران سمیت مقامی صحافیوں اور سماجی شخصیات نے شرکت کی۔ تقریب سے خطاب کرتے ہوئے سعودی عرب کی معروف سماجی ادبی علمی اور مذہبی شخصیت انجینئر ارشد محمود تبسّم نے کہا کہ پاک یونائیٹڈ میڈیا فورم میڈیا اور معاشرے کے درمیان ایک اہم پل کا کردار ادا کر رہا ہے یہ فورم صحافتی پیشہ وارانہ مہارت ، شفافیت اور ذمہ دارانہ رپورٹنگ کو فروغ دے کر معلومات کی درست ترسیل اور عوامی شعور بیداری میں اہم کردار ادا کر رہا ہے جس پر فورم کی پوری ٹیم کو خراج تحسین پیش کرتا ہوں میزبان تقریب میڈم صائمہ نوید کا خطاب کرتے ہوئے کہنا تھا کہ پاک یونائیٹڈ میڈیا فورم دیار غیر میں مقیم پاکستانیوں کا حقیقی ترجمان ہے جو سعودی عرب میں پاکستانی کمیونٹی کی آواز بن کر ان کے مسائل کو ایوان بالا تک پہنچا کر اپنا مثبت اور تعمیری کردار ادا کر رہا ہے جو قابل ستائش ہے تقریب سے خطاب کرتے ہوئے معروف صحافی اور سماجی شخصیت زاہد شریف نے اپنے خیالات کا اظہار کرتے ہوئے کہا کہ پاک یونائیٹڈ میڈیا فورم کی سعودی عرب میں مقیم پاکستانی کمیونٹی کے لیے مثالی اور بے لوث خدمات تاریخ کا روشن باب ہے اس گروپ کے تمام صحافی اپنی قلم کی پاسداری کرتے ہوئے پاکستان کا وقار بلند رکھنے میں اپنا کلیدی کردار ادا کر رہا ہے ہمیں پاک یونائیٹڈ میڈیا فورم پر فخر ہے جو دیار غیر میں پاکستانی کمیونٹی کے مسائل کو حکومتی ایوانوں تک پہنچاتے ہیں تقریب سے ؛ عابد شمعون چاند ، محمد ذیشان منور ، میڈم روبی طارق ، میڈم رخسانہ آصف ، حافظ معین الدین اور دیگر نے بھی خطاب کرتے ہوئے کہا کہ پاک یونائیٹڈ میڈیا فورم پاک سعودی دوستی کو مضبوط بنانے میں عملی کردار ادا کر رہا ہے جس کو کبھی فراموش نہیں کیا جا سکتا تقریب کے آخر میں خوبصورت تقریب منعقد کرنے پر پاک یونائیٹڈ میڈیا فورم کے وفد نے میڈم صائمہ نوید کا شکریہ ادا کرتے ہوئے ان کی سماجی اور فلاحی سرگرمیوں کو سراہتے ہوئے ان کو خراج تحسین پیش کی۔
ذریعہ
ذریعہ: Jasarat News
کلیدی لفظ: کردار ادا کر رہا ہے خطاب کرتے ہوئے صائمہ نوید میں پاک
پڑھیں:
مومنہ اقبال اور حمزہ حبیب کی دعائے خیر کی تقریب، دلکش تصاویر سوشل میڈیا پر وائرل
معروف پاکستانی اداکارہ مومنہ اقبال اور ان کے شوہر حمزہ حبیب کی دعائے خیر کی تقریب کی تصاویر اور ویڈیوز سوشل میڈیا پر تیزی سے مقبول ہو رہی ہیں۔ حال ہی میں سادگی کے ساتھ نکاح کرنے والے اس جوڑے نے شادی کی باقاعدہ تقریبات سے قبل اہلِ خانہ کی موجودگی میں دعائے خیر کا اہتمام کیا، جس میں دونوں خوش اور پُرجوش دکھائی دیے۔
پاکستانی شوبز انڈسٹری کی معروف اداکارہ مومنہ اقبال کی زندگی کا نیا سفر خوشیوں کے ساتھ جاری ہے۔ چند روز قبل مومنہ اقبال اور حمزہ حبیب نے ایک سادہ اور نجی خاندانی تقریب میں اپنے نکاح کی تصدیق کی تھی، جس کے بعد اب ان کی دعائے خیر کی تقریب کی تصاویر اور ویڈیوز سوشل میڈیا پر وائرل ہو رہی ہیں۔
View this post on Instagram
A post shared by @wbs.unfolded
مومنہ اقبال گزشتہ کچھ عرصے سے اپنی ذاتی زندگی کے باعث خبروں میں رہی ہیں۔ شادی کی تیاریوں کے دوران ان کے سابق دوست ثاقب چدھڑ کی جانب سے مبینہ ہراسانی کے واقعات سامنے آئے تھے، جن کے بارے میں کہا گیا کہ وہ شادی رکوانے کی کوشش کر رہے تھے۔ بعد ازاں معاملہ پولیس تک پہنچا اور اب یہ کیس عدالت میں زیرِ سماعت ہے۔
اس تمام صورتحال کے باوجود مومنہ اقبال اور حمزہ حبیب نے اپنی نئی زندگی کا آغاز خوش اسلوبی سے کیا اور حال ہی میں نجی تقریب میں نکاح کر لیا۔
اتوار کے روز جوڑے نے دعائے خیر کی ایک محدود اور خاندانی تقریب کا اہتمام کیا، جبکہ شادی کی دیگر تقریبات کا باقاعدہ آغاز پیر سے متوقع ہے۔
دعائے خیر کی تقریب میں مومنہ اقبال سنہری اور ٹی پنک (ہلکے گلابی) رنگ کے خوبصورت غرارے میں ملبوس نظر آئیں، جس پر نفیس سنہری دبکا ورک کیا گیا تھا۔ ان کا روایتی لباس اور دلکش انداز حاضرین کی توجہ کا مرکز بنا رہا۔ دوسری جانب حمزہ حبیب نے ہلکے ٹی پنک رنگ کے کُرتا شلوار کے ساتھ ویسٹ کوٹ زیب تن کیا، جو ان کی شخصیت پر خوب جچ رہا تھا۔
View this post on Instagram
A post shared by Momina Iqbal (@momina.iqbal)
تقریب کے دوران دونوں انتہائی خوشگوار اور پُرجوش موڈ میں دکھائی دیے۔ سوشل میڈیا پر گردش کرنے والی تصاویر اور ویڈیوز میں جوڑے کو اہلِ خانہ اور قریبی عزیزوں کے ساتھ خوشی کے لمحات گزارتے دیکھا جا سکتا ہے۔
مومنہ اقبال کا میک اپ معروف بیوٹی اسٹوڈیو ’ذکیہ رقیہ سیلون‘ کی جانب سے کیا گیا، جس نے ان کی دلکش شخصیت کو مزید نکھار دیا۔
دعائے خیر کی تقریب کی تصاویر سوشل میڈیا صارفین کی جانب سے خوب پسند کی جا رہی ہیں اور مداح نومولود جوڑے کے لیے نیک تمناؤں اور دعاؤں کا اظہار کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ مومنہ اقبال انٹرٹینمنٹ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ