وزیراعظم کیساتھ محسن نقوی کی ملاقات: پاکستان ٹی 20 ورلڈ کپ میں شرکت کرے گا، بھارت کیخلاف میچ نہ کھیلنے کا اعلان
اشاعت کی تاریخ: 2nd, February 2026 GMT
اسلام آباد (سپورٹس رپورٹر + نوائے وقت رپورٹ) حکومت پاکستان نے پاکستان کرکٹ ٹیم کی آئی سی سی ٹی ٹونٹی ورلڈ کپ 2026 میں شرکت کی منظوری دیدی تاہم حکومت نے یہ فیصلہ کیا ہے کہ پاکستان کرکٹ ٹیم15 فروری2026 ء کو انڈیا کے خلاف مقرر شدہ میچ میں میدان میں نہیں آئیگی، چیئرمین پی سی بی محسن نقوی کی وزیر اعظم پاکستان میاں محمد شہباز شریف کیساتھ ملاقات کے بعد حکومت کیجانب سے اعلان کیا گیا ہے کہ پاکستان کرکٹ ٹیم کو آئی سی سی ورلڈ کپ ٹی ٹونٹی 2026ء میں شرکت کی اجازت دیدی گئی ہے تاہم پاکستانی ٹیم15 فروری2026 ء کو انڈیا کے خلاف میچ نہیں کھیلے گی اور میچ کے روز گرائونڈ میں نہیں جائیگی، واضح رہے کہ چیئرمین پی سی بی محسن نقوی نے اس ضمن میں وزیر اعظم پاکستان محمد شہباز شریف کیساتھ پہلے بھی ملاقات کی تھی۔ نوائے وقت رپورٹ کے مطابق ذرائع کا کہنا ہے کہ جے شا نے اپنے جانبدارانہ فیصلوں سے انٹر نیشنل کرکٹ کونسل کو انڈین کرکٹ کونسل بنا دیا۔ جانبدارانہ فیصلوں سے انصاف اور برابری کے اصول کی دھجیاں بکھر گئیں۔ آئی سی سی کے پلیٹ فارم پر ایک ملک کیلئے ایک اور دوسرے ملک کیلئے دوسرا معیار اپنایا جاتا ہے۔ دریں اثناء ذرائع کا یہ بھی کہنا ہے کہ پاکستان کے فیصلے کے پیچھے آئی سی سی کا بنگلہ دیش کیخلاف جانبدارانہ فیصلہ بھی ہو سکتا ہے۔ حکومت اس معاملے پر اظہار یکجہتی دکھانا چاہتی تھی۔ وزیر دفاع خواجہ آصف نے کہا ہے کہ بھارت نے آئی سی سی کو یرغمال بنا لیا ہے۔ بھارت کی وجہ سے کرکٹ جینٹل مین گیم نہیں رہی۔ آئی سی سی نے ٹی ٹونٹی ورلڈ کپ میں پاکستان کے بھارت کے ساتھ میچ نہ کھیلنے کے فیصلے پر ردعمل میں کہا ہے کہ فیصلے پر پاکستان کرکٹ بورڈ کی جانب سے باضابطہ فیصلے سے آگاہ کرنے کے منتظر ہیں۔ یہ فیصلہ عالمی مقابلوں کے بنیادی اصولوں سے مطابقت نہیں رکھتا۔ عالمی مقابلوں میں توقع کی جاتی ہے کہ تمام ٹیمیں شیڈول کے مطابق یکساں شرائط پر کھیلیں۔ فیصلہ پاکستان کے کروڑوں شائقین سمیت دنیا بھر کے فینز کے مفاد میں نہیں۔ امید ہے پاکستان فیصلے کے منفی اثرات پر غور کرے گا اور پی سی بی قابل قبول حل نکالے گا۔ عالمی ایونٹ میں منتخب میچز کھیلنا قابل قبول نہیں۔
.
ذریعہ
ذریعہ: Nawaiwaqt
کلیدی لفظ: پاکستان کرکٹ ورلڈ کپ
پڑھیں:
محسن نقوی کا نیشنل پولیس اکیڈمی اسلام آباد کا دورہ، ایم سی ایم سی کورس پر نظرثانی کی اصولی منظوری
(اویس کیانی)نیشنل پولیس اکیڈمی کے اپ گریڈیشن پراجیکٹ پر کام تیزی سے جاری ہے، ایلیٹ ٹریننگ سکول میں ریپلنگ ٹاور پر 80 فیصد، جاگنگ ٹریک اور آبسٹیکلز پر 70 فیصد کام مکمل کر لیا گیا۔
وفاقی وزیر داخلہ محسن نقوی نے نیشنل پولیس اکیڈمی اسلام آباد کا دورہ کیا۔
اس موقع پر وزیر داخلہ محسن نقوی کی زیر صدارت اپ گریڈیشن پراجیکٹ سے متعلق جائزہ اجلاس ہوا، جس میں نیشنل پولیس اکیڈمی کی اپ گریڈیشن کے سلسلے میں جاری منصوبوں پر پیش رفت کا جائزہ لیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
نیشنل پولیس اکیڈمی کے اپ گریڈیشن پراجیکٹ پر کام تیز
ایلیٹ ٹریننگ سکول میں ریپلنگ ٹاور پر 80 فیصد،جاگنگ ٹریک اور آبسٹیکلز پر 70 فیصد کام مکمل
وفاقی وزیر داخلہ محسن نقوی کا نیشنل پولیس اکیڈمی کا دورہ، اپ گریڈیشن پراجیکٹ پر پیش رفت کا جائزہ لیا pic.twitter.com/PSzCboerya
اجلاس میں ایلیٹ سکول کی فائرنگ رینج اور باونڈری وال کو 2 ماہ میں مکمل کرنے کا ٹاسک دیا گیا۔
دوران اجلاس نیشنل پولیس اکیڈمی کو مرحلہ وار سولر انرجی پر منتقل کرنے کا فیصلہ کیا گیا، ایم سی ایم سی کورس پر نظرثانی کی اصولی منظوری دی گئی، تمام کلاس رومز کو جدید آئی ٹی سہولیات سے لیس کرنے کی ہدایت بھی کی گئی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ڈی جی ایف آئی اے، چیئرمین سی ڈی اے، آئی جی اسلام آباد پولیس، ڈپٹی کمانڈنٹ نیشنل پولیس اکیڈمی، ڈپٹی کمشنر اسلام آباد اور دیگر اعلیٰ افسران بھی اس موقع پر موجود تھے۔
وزارت آئی ٹی نے 1.67 ارب روپے سے زاید کے فنڈز طلب کرلیے