بین المذاہب ہم آہنگی، امن ، رواداری کیلئے جد وجہد جاری رکھیں گے: طاہر اشرفی
اشاعت کی تاریخ: 2nd, February 2026 GMT
اسلام آباد (خبر نگار) چیئرمین پاکستان علماء کونسل و کوآرڈینیٹر وزیر اعظم طاہر اشرفی نے کہا ہے کہ عالمی ہفتہ بین المذاہب ہم آہنگی، یکم تا7 فروری2026 ء منایا جا رہا ہے۔ ہم اس عزم کا اظہار کرتے ہیں کہ بین المذاہب ہم آہنگی، امن ، رواداری، بقا باہمی کیلئے جد وجہد جاری رکھیں گے۔ پاکستان مذہبی، ثقافتی، لسانی اور نسلی تنوع سے مالا مال ہے۔ ہمارا دین ، آئین اور قانون تمام انسانیت کے حقوق کے مکمل احترام کا درس دیتا ہے۔ عالمی ہفتہ بین المذاہب ہم آہنگی پر ہم آئین پاکستان اور پیغام پاکستان کے ضابطہ اخلاق پر مکمل عمل کرنے کا اظہار کرتے ہیں۔ عدم برداشت اور قوم میں تقسیم کی ہر کوشش کو ناکام بنانے، انتہا پسندی اور دہشت گردی کے خاتمے کیلئے مسلح افواج کے شانہ بشانہ جد وجہد کا اعلان کرتے ہیں۔
.
ذریعہ
ذریعہ: Nawaiwaqt
کلیدی لفظ: بین المذاہب ہم ا ہنگی
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار