فتنہ الہندوستان کے حملے بروقت ناکام بنانے پر پاک فوج کو خراج تحسین پیش کرتے ہیں، انجمن امامیہ گلگت بلتستان
اشاعت کی تاریخ: 2nd, February 2026 GMT
مرکزی انجمن امامیہ گلگت بلتستان کی جانب سے جاری بیان میں کہا گیا ہے کہ بلوچستان کے مختلف علاقوں میں فتنہ الہندوستان سے وابستہ دہشت گرد عناصر کی جانب سے کیے گئے حالیہ بزدلانہ حملوں کی شدید الفاظ میں مذمت کرتے ہیں۔ اسلام ٹائمز۔ مرکزی انجمن امامیہ گلگت بلتستان کی جانب سے جاری بیان میں کہا گیا ہے کہ بلوچستان کے مختلف علاقوں میں فتنہ الہندوستان سے وابستہ دہشت گرد عناصر کی جانب سے کیے گئے حالیہ بزدلانہ حملوں کی شدید الفاظ میں مذمت کرتے ہیں۔ معصوم شہریوں، محنت کشوں اور سیکیورٹی فورسز کو نشانہ بنانا ایک گھناؤنا اور انسانیت سوز فعل ہے جس کی جتنی بھی مذمت کی جائے کم ہے۔ مرکزی انجمن امامیہ گلگت بلتستان ان حملوں کو بروقت ناکام بنانے پر پاک فوج اور تمام قانون نافذ کرنے والے اداروں کو زبر دست خراج تحسین پیش کرتی ہے، جنہوں نے اپنی پیشہ ورانہ صلاحیت، جرات اور قربانی کے جذبے سے دشمن کے ناپاک عزائم کو خاک میں ملا دیا۔گلگت بلتستان کے غیور اور محب وطن عوام دشمن کی ان سازشوں سے مکمل طور پر باخبر ہیں اور پاکستان کی مسلح افواج اور ریاستی اداروں کے شانہ بشانہ کھڑے ہیں۔ ہم اس عزم کا اعادہ کرتے ہیں کہ وطن عزیز کے دفاع، امن و امان کے قیام اور دہشت گردی کے مکمل خاتمے کے لیے ہر قربانی دینے سے دریغ نہیں کیا جائے گا۔
.
ذریعہ
ذریعہ: Islam Times
کلیدی لفظ: انجمن امامیہ گلگت بلتستان کی جانب سے کرتے ہیں
پڑھیں:
اسٹیٹ بینک کے زرمبادلہ ذخائر میں اضافہ، مرکزی بینک کے ذخائر 17.25 ارب ڈالر سے تجاوز کر گئے
اسٹیٹ بینک آف پاکستان کے زرمبادلہ ذخائر میں گزشتہ ہفتے کے دوران اضافہ ریکارڈ کیا گیا ہے، جس کے بعد مرکزی بینک کے پاس موجود غیر ملکی زرمبادلہ کے ذخائر 17 ارب 25 کروڑ 86 لاکھ ڈالر تک پہنچ گئے ہیں۔ ماہرین نے اس پیش رفت کو ملکی مالیاتی استحکام اور بیرونی ادائیگیوں کی صلاحیت کے لیے مثبت اشارہ قرار دیا ہے۔
اسٹیٹ بینک کے ترجمان کی جانب سے جاری اعداد و شمار کے مطابق 18 جولائی کو ختم ہونے والے ہفتے کے دوران مرکزی بینک کے زرمبادلہ ذخائر میں3 کروڑ 30 لاکھ ڈالر کا اضافہ ہوا۔ ترجمان کے مطابق یہ اضافہ بیرونی ادائیگیوں کے مؤثر انتظام اور مالیاتی استحکام کے تناظر میں اہم پیش رفت ہے۔
اگرچہ اسٹیٹ بینک کے ذخائر میں اضافہ ہوا، تاہم ملک کے مجموعی زرمبادلہ ذخائر معمولی کمی کے بعد 22 ارب 66 کروڑ 96 لاکھ ڈالر کی سطح پر آ گئے ہیں۔
اعداد و شمار کے مطابق کمرشل بینکوں کے پاس موجود غیر ملکی زرمبادلہ کے ذخائر 5 ارب 41 کروڑ 10 لاکھ ڈالر ریکارڈ کیے گئے، جس کے باعث مجموعی ذخائر میں معمولی کمی دیکھنے میں آئی۔
معاشی ماہرین کا کہنا ہے کہ اسٹیٹ بینک کے ذخائر میں مسلسل اضافہ اس بات کی علامت ہے کہ پاکستان کی بیرونی ادائیگیوں کی صلاحیت بہتر ہو رہی ہے، جبکہ درآمدی بل کی ادائیگی اور روپے کے استحکام کے لیے بھی یہ مثبت پیش رفت سمجھی جا رہی ہے۔
تاہم ماہرین نے اس بات کی بھی نشاندہی کی کہ مجموعی زرمبادلہ ذخائر میں کمی ظاہر کرتی ہے کہ کمرشل بینکوں کے ذخائر میں اتار چڑھاؤ کا سلسلہ برقرار ہے، جس پر مسلسل نظر رکھنے کی ضرورت ہے۔
اقتصادی ماہرین کے مطابق اگر آنے والے ہفتوں میں ترسیلاتِ زر، بیرونی سرمایہ کاری، برآمدات اور بین الاقوامی مالی معاونت کا سلسلہ برقرار رہا تو پاکستان کے زرمبادلہ ذخائر میں مزید بہتری آنے کا امکان ہے، جس سے ملکی معیشت اور مالیاتی استحکام کو مزید تقویت مل سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار