لاہور :کائٹ فلائنگ ایکٹ 2025 پر عملدرآمد، بسنت پورٹل فعال
اشاعت کی تاریخ: 2nd, February 2026 GMT
طاہر جمیل : وزیراعلیٰ پنجاب مریم نواز کے وژن کے تحت کائٹ فلائنگ ایکٹ 2025 پر عملدرآمد کا سلسلہ لاہور میں جاری ہے, اسی سلسلے میں ڈپٹی کمشنر لاہور کی ہدایت پر رجسٹرڈ تاجروں کے لیے “بسنت پورٹل” مکمل طور پر فعال کر دیا گیا ہے، جس کے ذریعے پتنگ بازی کے سامان کی ترسیل کے لیے ٹرانسپورٹ پرمٹ جاری کیے جا رہے ہیں۔
ضلعی انتظامیہ کے مطابق رجسٹرڈ تاجر بسنت پورٹل پر درخواست دے کر ٹرانسپورٹ پرمٹ حاصل کر سکتے ہیں، تاہم اس کے لیے گودام، آمد و رفت کے ذرائع اور پتنگ بازی کے سامان کی مکمل تفصیلات فراہم کرنا لازمی قرار دیا گیا ہے۔ اب تک موصول ہونے والی 241 درخواستوں میں سے 81 تاجروں کو ٹرانسپورٹ پرمٹ جاری کر دیے گئے ہیں، جبکہ 82 درخواستیں عدم تصدیق کی بنیاد پر مسترد کر دی گئی ہیں۔
چور شادی پر جانے والی فیملی کے گھر کا صفایا کر گئے
ڈپٹی کمشنر لاہور کیپٹن (ر) محمد علی اعجاز نے ہدایت کی ہے کہ رجسٹرڈ تاجر دوسرے اضلاع سے سامان کی نقل و حمل کے لیے فوری طور پر بسنت پورٹل پر درخواست جمع کرائیں۔ انہوں نے واضح کیا کہ پرمٹ کے حصول کے لیے ممنوعہ ڈور نہ بیچنے کا باقاعدہ حلفیہ اقرارنامہ جمع کروانا لازم ہوگا۔
ڈی سی لاہور کا کہنا ہے کہ پتنگوں پر مذہبی، سیاسی یا ملکی پرچم کی تصاویر ہرگز پرنٹ نہ کی جائیں، جبکہ ضلعی افسران کی جانب سے ٹرانسپورٹ گاڑیوں اور جاری شدہ پرمٹس کی سخت جانچ پڑتال کی جا رہی ہے۔ ضلع سے باہر سے سامان لانے کے لیے ڈی سی آفس سے پیشگی اجازت نامہ حاصل کرنا بھی لازمی قرار دیا گیا ہے۔
آزاد کشمیر کے طلبا نے مقبوضہ جموں و کشمیر کی جدوجہد آزادی کو مشترکہ ذمہ داری قرار دے دیا
ڈپٹی کمشنر لاہور نے اس عزم کا اظہار کیا کہ شہریوں کی جان و مال کا تحفظ اور محفوظ بسنت کا انعقاد ضلعی انتظامیہ کی اولین ترجیح ہے، اور اس مقصد کے لیے قانون کی خلاف ورزی پر کسی قسم کی رعایت نہیں دی جائے گی۔
ذریعہ
ذریعہ: City 42
کلیدی لفظ: بسنت پورٹل کے لیے
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار