دورانِ عمرہ ٹیٹوز پر تنقید، توثیق حیدر کا مؤقف سامنے آ گیا
اشاعت کی تاریخ: 2nd, February 2026 GMT
پاکستانی ٹیلی وژن کے معروف اناؤنسر، میزبان اور اداکار توثیق حیدر نے عمرے کی ادائیگی کے دوران جسم پر موجود ٹیٹوز پر ہونے والی تنقید پر خاموشی توڑ دی۔
انہوں نے حال ہی میں ایک پوڈکاسٹ میں اس معاملے پر کھل کر بات کی اور اپنے عمرے کے سفر کے تجربات بھی شیئر کیے۔
توثیق حیدر کا شمار پاکستان ٹیلی وژن کے سینئر اور مقبول چہروں میں ہوتا ہے، انہوں نے 90ء کی دہائی کے اوائل میں پی ٹی وی کے لائیو مارننگ شوز کے ذریعے شہرت حاصل کی، بعد ازاں انہوں نے اداکاری کے میدان میں قدم رکھا اور ترک ڈرامہ سیریز میں عتیقہ اوڈھو کے ساتھ اپنے کیریئر کا آغاز کیا۔
دسمبر 2025ء میں توثیق حیدر کو اس وقت سوشل میڈیا پر شدید تنقید کا سامنا کرنا پڑا جب انہوں نے عمرے کی ادائیگی کے دوران اپنی ویڈیو شیئر کی، جس میں ان کے جسم پر موجود ٹیٹوز نمایاں تھے۔
اس حوالے سے بات کرتے ہوئے توثیق حیدر نے کہا کہ کی بورڈ کے پیچھے بیٹھا شخص خود کو ہر بات کہنے کا مجاز سمجھتا ہے کیونکہ اسے معلوم ہوتا ہے کہ سامنے والا جواب نہیں دے سکتا، میں نے 2 ماہ قبل عمرہ ادا کیا، یہ ایک شاندار اور روحانی تجربہ تھا، جس سے میں نے بھرپور لطف اٹھایا، میرا ماننا ہے کہ اگر اللّٰہ تعالیٰ مجھ سے میرے ٹیٹوز کی وجہ سے ناراض ہوتے تو وہ مجھے اپنے گھر بلاتے ہی نہیں، اس لیے میں نے ان باتوں پر دھیان نہیں دیا۔
انہوں نے بتایا کہ میرے مینیجر نے تنقیدی اور نازیبا تبصروں کے بارے میں آگاہ کیا اور پوسٹ ڈیلیٹ کرنے کا مشورہ دیا، جس پر میں نے انکار کیا اور کہا کہ میں اس پورے تجربے سے لطف اندوز ہو رہا ہوں، لوگوں نے ناصرف تنقید کی بلکہ کئی افراد میرے حق میں بھی سامنے آئے۔
عمرے کے سفر سے متعلق گفتگو کرتے ہوئے انہوں نے کہا کہ یہ میرا پہلا عمرہ تھا، میں پچھلے 10 سال سے اس کی منصوبہ بندی کر رہا تھا مگر کسی نہ کسی وجہ سے نہیں جا سکا، میں دنیا بھر میں سفر کرتا ہوں، 4 گھنٹے کا سفر ہے، مالی مسائل بھی نہیں تھے، لیکن پھر بھی بات نہیں بن پائی، اب مجھے سچے دل سے یقین ہو گیا ہے کہ اللّٰہ اپنے وقت پر ہی بلاتا ہے، آپ جتنی مرضی منصوبہ بندی کر لیں، جانا تب ہی نصیب ہوتا ہے جب اللّٰہ چاہے۔
توثیق حیدر نے یہ بھی بتایا کہ میں رات 1 بجے حرم شریف پہنچا، جہاں اس وقت بھی غیر معمولی رش تھا، میں نے عمرہ ادا کیا، تمام مناسک مکمل کیے اور ویڈیو بنائی، یہ ایک ناقابلِ بیان تجربہ تھا، پہلے میں لوگوں کی بات پر ہنسا کرتا تھا کہ خانہ کعبہ دیکھنے کے بعد دوبارہ جانے کی تڑپ لگ جاتی ہے، مگر اب وہی کیفیت میرے ساتھ ہو رہی ہے۔
.
ذریعہ
ذریعہ: Daily Mumtaz
کلیدی لفظ: توثیق حیدر انہوں نے
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا