باجوڑ میں سرحد پار دراندازی کی بڑی کوشش ناکام، 14 خوارج ہلاک
اشاعت کی تاریخ: 2nd, February 2026 GMT
خیبر پختونخوا کے ضلع باجوڑ میں پاک افغان سرحد پر سیکیورٹی فورسز نے بروقت اور فیصلہ کن کارروائی کرتے ہوئے سرحد پار سے ہونے والی ایک بڑی دراندازی کی کوشش ناکام بنا دی۔
کارروائی کے دوران 14 خوارجی دہشتگردوں کو ہلاک کر دیا گیا، جو پاکستانی حدود میں داخل ہونے کی کوشش کر رہے تھے۔
سیکیورٹی ذرائع کے مطابق یہ واقعہ اس بات کا واضح ثبوت ہے کہ فتنہ الخوارج نے افغانستان کو اپنی بنیادی آپریشنل پناہ گاہ بنا رکھا ہے، جہاں سے پاکستان کے خلاف حملوں کی منصوبہ بندی، بھرتی، رابطہ کاری اور کمانڈ اینڈ کنٹرول کیا جا رہا ہے۔
یہ بھی پڑھیں: یورپی یونین نے پاکستانی مؤقف کی حمایت کردی، افغان طالبان اور فتنۃ الخوارج کا مکروہ چہرہ بےنقاب
پاکستان کو درپیش خطرہ اب محض بکھرے ہوئے عناصر تک محدود نہیں رہا بلکہ ایک منظم سرحد پار دہشت گرد نیٹ ورک کی صورت اختیار کر چکا ہے۔
اطلاعات کے مطابق فتنہ الخوارج کو افرادی قوت، لاجسٹک سپورٹ اور محفوظ نقل وحرکت کے لیے افغان سرزمین پر انحصار حاصل ہے، جسے وہاں موجود سازگار ماحول مزید مضبوط بنا رہا ہے۔
افغان عبوری انتظامیہ کی جانب سے ان نیٹ ورکس کے خلاف مؤثر کارروائی نہ ہونا دہشتگرد عناصر کی حوصلہ افزائی کا سبب بن رہا ہے۔
مزید پڑھیں: اگر افغانستان نے حملہ کیا تو پاکستان اپنے دفاع کے لیے تیار ہے، وزیر دفاع خواجہ آصف
اقوام متحدہ بھی اس امر کی تصدیق کر چکی ہے کہ افغانستان میں ایک درجن سے زائد دہشت گرد تنظیمیں سرگرم ہیں، جو اسے علاقائی دہشت گردی کا مرکز ثابت کرتی ہیں۔
ان تنظیموں کی موجودگی نہ صرف پاکستان بلکہ پورے خطے اور عالمی سلامتی کے لیے سنگین خطرہ ہے۔
سیکیورٹی رپورٹس کے مطابق خوارج دہشت گرد افغانستان میں اپنے خاندانوں کے ساتھ کھلے عام مقیم ہیں، کمزور نوجوانوں کو بھرتی کرتے ہیں اور پاکستان کو عدم استحکام سے دوچار کرنے کے لیے تشدد کی منصوبہ بندی کرتے ہیں۔
مزید پڑھیں: افغانستان سے دراندازی کی کوشش ناکام، سیکیورٹی فورسز نے 2 افغان شہریوں سمیت 3 دہشتگرد ہلاک کردیے
ان کی سرحد پار کارروائیاں پاکستانی ریاست کے خلاف واضح دشمنی کو بے نقاب کرتی ہیں۔
افغانستان میں چھوڑا گیا امریکی فوجی اسلحہ اور جدید جنگی سازوسامان بھی دہشت گرد عناصر کے ہاتھ لگ رہا ہے، جو پاکستانی شہریوں اور سیکیورٹی اہلکاروں کے خلاف استعمال ہو رہا ہے۔
اس اسلحے کی دستیابی نے خطرات کی شدت اور دائرہ کار میں نمایاں اضافہ کیا ہے۔
مزید پڑھیں: پاکستان اور چین کا افغانستان میں جامع حکومت پر زور، دہشتگردی کے خلاف ٹھوس اقدامات کا مطالبہ
باجوڑ میں 14 دہشتگردوں کی ہلاکت زیرو ٹالرنس پالیسی کا واضح پیغام ہے، ملک بھر میں روزانہ کی بنیاد پر انٹیلیجنس بیسڈ آپریشنز جاری ہیں تاکہ دہشتگردی کے لیے کسی قسم کی جگہ باقی نہ رہنے دی جائے۔
پاکستان اپنی سرحدوں، عوام اور آنے والی نسلوں کے تحفظ کے لیے خوارج کے ناسور کے خلاف ڈٹ کر کھڑا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان انٹیلیجنس بیسڈ آپریشنز باجوڑ جنگی سازوسامان خوارج خیبر پختونخوا دراندازی دہشتگردی زیرو ٹالرنس پالیسی سیکیورٹی اہلکار سیکیورٹی فورسز عدم استحکام کمانڈ اینڈ کنٹرول.
ذریعہ
ذریعہ: WE News
کلیدی لفظ: افغانستان انٹیلیجنس بیسڈ آپریشنز باجوڑ جنگی سازوسامان خوارج خیبر پختونخوا دہشتگردی زیرو ٹالرنس پالیسی سیکیورٹی اہلکار سیکیورٹی فورسز عدم استحکام کمانڈ اینڈ کنٹرول افغانستان میں سرحد پار کے خلاف رہا ہے کے لیے
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ