پاک فوج بھارتی اسپانسرڈ دہشتگردوں کو جہنم واصل کر رہی ہے: گورنر پنجاب
اشاعت کی تاریخ: 2nd, February 2026 GMT
گورنر پنجاب سردار سلیم حیدر—فائل فوٹو
گورنر پنجاب سردار سلیم حیدر نے کہا ہے کہ پاک فوج دن رات بھارتی اسپانسرڈ دہشت گردوں کو جہنم واصل کر رہی ہے۔
گورنر پنجاب سردار سلیم حیدر کی جانب سے اٹک میں35 اجتماعی شادیوں کا اہتمام کیا گیا۔
تقریب سے خطاب کرتے ہوئے گورنر پنجاب نے کہا کہ اس خوشی کے موقع پر بلوچستان میں بھارتی دہشت گردی کے نتیجے میں شہید اور زخمی ہونے والوں کو نہیں بھولنا چاہیے۔
گورنر سلیم حیدر خان نے سیلاب سے متاثرہ فیملی اور اہل علاقہ سے ملاقات کی۔ متاثرہ شہریوں نے پانی میں ڈوبے ہوئے اپنے گھر گورنر پنجاب کو دکھائے
گورنر پنجاب نے کہا کہ سفید پوش والدین بچیوں کی شادی کی درخواست گورنر ہاؤس میں دے سکتے ہیں، پورے پنجاب میں اجتماعی شادیاں کی جائیں گی۔
سلیم حیدر نے کہا کہ میرے ہوتے ہوئے کوئی بیٹی جہیز اور کھانے کے وسائل نہ ہونے کے سبب گھر نہیں بیٹھے گی اور یہ 35 بیٹیاں مجھے اپنی 2 بیٹیوں طرح عزیز ہیں۔
انہوں نے مزید کہا کہ ملک میں امن کے بغیر ایسی تقریبات ممکن نہیں، امن و امان کی خاطر جانوں کا نذرانہ پیش کرنے والے پاک فوج کے جوانوں کو سلام پیش کرتے ہیں۔
گورنر پنجاب نے نوبیاہتا جوڑوں کو نقد سلامی دی اور ان کے لیے نیک خواہشات کا اظہار بھی کیا۔
.
ذریعہ
ذریعہ: Jang News
کلیدی لفظ: گورنر پنجاب نے سلیم حیدر نے کہا کہا کہ
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار