وزیراعلیٰ کے پی کی وزیراعظم سے ملاقات خوش آئند ہے، امیر مقام
اشاعت کی تاریخ: 2nd, February 2026 GMT
اسلام آباد (نیوز ڈیسک) وزیراعظم اور وزیراعلیٰ خیبر پختونخوا کی ملاقات کے بعد وفاقی وزیر امیر مقام نے وزیراعظم ہاؤس کے باہر میڈیا سے گفتگو کرتے ہوئے کہا کہ وزیراعلیٰ خیبر پختونخوا کی ملاقات کے لیے آمد خوش آئند ہے۔ انہوں نے کہا کہ دیر آئے درست آئے، وزیراعلیٰ خیبر پختونخوا صوبے کے منتخب رہنما ہیں۔
امیر مقام نے کہا کہ اس سے قبل بھی وزیراعلیٰ کو ملاقات کی دعوت دی گئی تھی مگر وہ نہیں آئے تھے۔ اب ملاقات ہوئی ہے تو یہ ایک مثبت پیش رفت ہے۔ انہوں نے کہا کہ خیبر پختونخوا اور وفاقی حکومت کے درمیان بہترین کوآرڈینیشن ہونی چاہیے اور آئندہ بھی رابطے جاری رہنے چاہئیں، جس پر ملاقات میں اتفاق ہوا ہے۔
وفاقی وزیر نے کہا کہ دہشت گردی پورے پاکستان کا مسئلہ ہے اور اس پر ہمارا مؤقف یکساں ہونا چاہیے۔ وزیراعلیٰ کے آنے پر ان کا شکریہ ادا کیا گیا۔ ملاقات میں اداروں کے خلاف بات کرنے کے معاملے پر بھی گفتگو ہوئی اور اس طرزِ عمل کو درست قرار نہیں دیا گیا۔
امیر مقام کا کہنا تھا کہ خیبر پختونخوا کے عوام دہشت گردی سے بری طرح متاثر ہیں، فورسز کے جوانوں اور عام شہریوں کی شہادتیں ہو رہی ہیں۔ ہمیں اپنی سیاست کو ایک طرف رکھ کر دہشت گردی کے خلاف مشترکہ مؤقف اپنانا ہوگا۔
انہوں نے بتایا کہ وزیراعلیٰ خیبر پختونخوا نے صوبے کے واجبات کی ادائیگی کا معاملہ بھی اٹھایا، جس پر وفاقی حکومت نے مؤقف اختیار کیا کہ تمام واجبات ادا کیے جا چکے ہیں۔ تاہم اگر اس حوالے سے کوئی اختلاف موجود ہے تو اس پر مزید بات ہونی چاہیے۔
امیر مقام نے کہا کہ اس بات پر بھی اتفاق ہوا کہ سیاست اپنی جگہ مگر صوبے اور مرکز کے درمیان اتفاقِ رائے ضروری ہے۔ انہوں نے واضح کیا کہ ملاقات میں بانی پی ٹی آئی سمیت کسی سیاسی معاملے پر گفتگو نہیں ہوئی۔
وفاقی وزیر نے کہا کہ دہشت گردی ایک ناسور ہے اور ملاقات میں اس پر سب کا اتفاق تھا کہ قومی مفاد کے معاملات پر صوبائی حکومت کو اپنا مؤقف ہر فورم پر پیش کرنا چاہیے۔ انہوں نے امید ظاہر کی کہ آئندہ بھی ایسی ملاقاتیں جاری رہیں گی۔
امیر مقام نے مزید کہا کہ وزیراعلیٰ خیبر پختونخوا ایک منتخب نمائندہ ہیں اور جو حقائق ہیں وہ عوام کے سامنے رکھنا چاہئیں تاکہ مسائل کا حل ممکن ہو سکے۔
.
ذریعہ
ذریعہ: Daily Mumtaz
کلیدی لفظ: خیبر پختونخوا ملاقات میں نے کہا کہ انہوں نے
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا