ایران: گزشتہ ماہ فسادات میں ملوث 4 غیر ملکی گرفتار
اشاعت کی تاریخ: 2nd, February 2026 GMT
data-id="863a0a8" data-element_type="widget" data-widget_type="theme-post-content.default">
تہران: ایرانی حکام نے گزشتہ ماہ ملک بھر میں ہونے والے مظاہروں اور فسادات کے سلسلے میں چار غیر ملکی شہریوں کو گرفتار کر لیا ہے۔
سرکاری ذرائع کے مطابق گرفتار افراد کی قومیت ظاہر نہیں کی گئی اور انہیں تہران صوبے میں ان کے رہائشی ٹھکانے پر چھاپے کے دوران حراست میں لیا گیا۔
ایرانی سرکاری ٹی وی کی رپورٹ کے مطابق مشتبہ افراد کے قبضے سے 4 دیسی ساختہ اسٹن گرنیڈ بھی برآمد ہوئے، جن کا تعلق ہنگاموں اور سکیورٹی اہلکاروں پر حملوں میں استعمال سے جوڑا جا رہا ہے۔ تاہم ایرانی حکام نے گرفتاریوں کی تاریخ یا اس سے متعلق مزید تفصیلات فراہم نہیں کیں۔
واضح رہے کہ ایران میں گزشتہ ماہ ہونے والے مظاہرے پرتشدد رخ اختیار کر گئے تھے، جن میں حکام کے مطابق امریکا اور اسرائیل کی حمایت یافتہ عناصر نے نجی اور سرکاری املاک کو نقصان پہنچایا اور سکیورٹی اہلکاروں پر حملے کیے۔
ایرانی حکام نے دعویٰ کیا ہے کہ مظاہروں کے دوران کل 3 ہزار 117 افراد ہلاک ہوئے، جن میں 2 ہزار 427 سویلین جبکہ باقی سکیورٹی اہلکار تھے۔
یہ گرفتاریاں ایران میں بڑھتی ہوئی اندرونی غیر مستحکم صورتحال اور بین الاقوامی دباؤ کے درمیان ایک نیا موڑ قرار دی جا رہی ہیں۔ تجزیہ کاروں کے مطابق یہ اقدام ایرانی حکومت کی طرف سے ملک میں قانون و نظم قائم رکھنے اور ممکنہ غیر ملکی مداخلت کو روکنے کی کوشش کا حصہ ہے۔
ذریعہ
ذریعہ: Jasarat News
کلیدی لفظ: کے مطابق
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار